Winning Time: The Rise of the Lakers Dynasty is ’n sportdrama wat deur HBO vervaardig is.
Die storie draai om die Lakers-basketbalspan se ware mars – voortwaarts en opwaarts – in die 1980s. Dit vertel dus die stories – in fiktiewe formaat – van die spelers, afrigters en gebeure wat daartoe gelei het dat die Lakers steeds onder die mees gerespekteerde sportspanne ter wêreld is.
Die konsensus op die resensiewebwerf Rotten Tomatoes is dat die vertelling oor die daarstel van die Lakers-dinastie – op en van die baan af – ’n “slam dunk” is. Winning Time het ’n punt van 84% op dié webwerf en is ook reeds vir ’n tweede seisoen hernu.
Winning Time se sterbelaaide rolverdeling word gelei deur die Oscar-benoemde John C. Reilly en Jason Clarke (Mudbound), met nuwelinge Quincy Isaiah en Solomon Hughes wat die legendariese spelers Magic Johnson en Kareem Abdul-Jabbar vertolk. DeVaughn Nixon (Snowfall, Runaways) vertolk die rol van sy actual pa, NBA-ster Stormin’ Norman Nixon. Oscar-wenners Sally Field en Adrien Brody maak ook deel van die akteurspoel uit.
