Die eerste Afrikaanse weergawe van dié internasionale reeks is aan die beurt met Rian van Heerden as quiz master wat deelnemers in hul eie antwoorde en kennis laat twyfel deur oor en oor te vra: Is jy seker? Wil jy jou antwoord verander? Phone a friend?
Die eerste seisoen met 13 episodes begin 27 Oktober op DStv met die tweede reeks wat direk daarna uitgesaai word. Wie word ’n miljoener? bly getrou aan die oorspronklike Britse Who Wants to Be a Millionaire?-formaat met deelnemers wat deur 15 meervoudige keuse-vrae moet draf tot die finale ronde, waar die grootse goudpot wag. Die reeks sal terselfdertyd op Showmax beskikbaar wees.
