Menu terloops

Westworld S1-4

Op Showmax [Gepubliseer op 27 Jun 2022]


Soos ons al dieper in die wêreld van kunsmatige intelligensie beweeg, word ‘Westworld’ al meer relevant. Dit laat ’n mens eintlik sidder.

Kyk nou

Westworld S1-4
Kyk lokprent

Dis twee jaar sedert die afloop van die derde seisoen van Westworld, ’n bekroonde distopiese reeks wat sedert sy 2016-debuut ’n TV-fenomeen geword het.

Westworld is deur Jonathan Nolan en Lisa Joy geskep.

Vir die vierde seisoen keer onder andere Evan Rachel Wood, Thandie Newton en Ed Harris terug om die gevolge van hebsug en magsbeheptheid in ’n wêreld wat besig is om sy laaste gryntjie menslikheid te verloor, in storietaal oor te dra. 

Die min woorde wat HBO oor die vierde seisoen voor die wêreldwye première op 27 Junie gedeel het, lui bloot so: “’n Donker swerftog oor die lot van leef op aarde.”

Wat ons van die vierde seisoen van Westworld kan verwag, is dus heeltemal duister. Behalwe dat James Marsden skielik weer in die lewe geroep. Dít nadat sy robo-karakter Teddy reeds in die tweede seisoen dood is. En dat Dolores (Rachel Wood) rêrig in die derde seisoen dood is. Dié aktrise keer egter as ’n ander, nuwe karakter tot die storie terug.

Die bemarkingsplakkaat vir die nuwe seisoen gee dalk effe meer weg met die woorde “adapt or die” daarop gedruk. Dit bring ons terug na een van die sterkste temas in die reeks: Die konflik tussen dit wat wetenskap en tegnologie moontlik maak en die etiese vraagstukke wat om dÍt tol.

Die reeks is gegrond op die gelyknamige fliek uit 1973 wat deur Michael Crichton geskryf en geregiseer is.

Episodes word weekliks beskikbaar gestel.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van mediese dramas

‘This Is Going To Hurt’ – die geloofwaardige mediese dramareeks wat ons nodig het

'This is Going to Hurt' is by tye soos ’n emmer koue water oor jou kop – tog, so hard en grusaam as wat dit kan wees, is dit ook eerlik, rou, en (genadiglik) snaaks.

Meer

Wat om te kyk op DStv in Augustus 2022

Wat om te kyk op DStv vandeesmaand: Die tweede seisoen van die lag-uit-jou-maak-uit heerlike komedie, 'Hacks'; die mag van vroue in 'Run the World'; en die geloofde dramareeks 'Gentleman Jack' se tweede uittog.

Meer

Wat om te kyk op Showmax in Augustus 2022

Wat om te kyk op Showmax vandeesmaand: Kim Engelbrecht in 'Reyka', die nuwe wetenskapfiksiereeks 'La Brea' en ’n waremisdaaddokkie wat jou jou eie geheue sal laat bevraagteken.

Meer

Wat om te kyk op Netflix in Augustus 2022

Wat om te kyk op Netflix vandeesmaand: Arnold Vosloo bult sy spiere in dié platform se eerste Afrikaanse reeks, 'Ludik'; jong liefde blom in 'Never Have I Ever'; 'Lock & Key' se storie sluit af met die derde en laaste seisoen.

Meer
Sien alle opsies