Menu terloops

The Ultimatum: Marry or Move On

Op Netflix [Gepubliseer op 11 Apr 2022]


In ‘The Ultimatum’ moet ses paartjies besluit of hul kys kansel of kis toe gaan. Gaan hulle hou en trou, of is dit koebaai meraai?

The Ultimatum: Marry or Move On
Kyk lokprent

In The Ultimatum het ses paartjies het ’n ongemaklike dooiepunt in hul verhoudings bereik. Een maat wil trou, die ander maat voel weer louwarm oor die idee. Die ultimatum van die titel word dan gestel: oor agt weke móét die huiweriges besluit of hulle gaan bly of ry.

Terwyl die paartjies besluit of hulle die knoop gaan deurhak, al dan nie, moet hulle ook ’n potensiële maat uit een van die ander paartjies kies. Die idee hiermee is om te sien hoe ’n lewe met iemand anders dalk kan lyk.

Hoewel die premis van The Ultimatum heel eenvoudig is, is menslike emosies veel meer kompleks. Die sielkunde agter waarom ’n ultimatum in die eerste plek gestel moet word om saam te kan groei en ontwikkel, is reeds uiters problematies. Tog, dis bingeworthy vermaak. Daai ek-kan-nie-wegkyk-nie tipe TV.

Vanaf 6 April op Netflix.

Kyk ook:

Kry Netflix met DStv

DStv-intekenare kan met die nuwe Explora Ultra toegang tot Netflix kry. Kry dit nou →

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer

Jou ‘Suidooster’-gids vir Junie 2024

Rhafiek en Kaashifa sukkel om op dieselfde bladsy te kom en Elana ontdek ’n splinternuwe gawe – 'Suidooster'-kykers kan na dít en nog meer in Junie uitsien. Hier is ons handige kykgids.

Meer
Sien alle opsies