The Tinder Swindler vertel die storie van ’n kamma-miljardêr wat ’n klompie vroue ’n rat voor die oë gedraai het.
Dié sogenaamde Casanova het hom voorgedoen as ’n ryk en suksesvolle sakeman en sy teikens het vinnig vir hom geval. Maar dit draai toe uit hy is allesbehalwe ’n catch, en drie vroue neem hul dan voor om dié liegbek te laat boet nadat hy hulle van miljoene beroof het.
Die vabond se Tinder-profiel het egter eers ná die uitreiking van dié dokkie-film verdwyn. Die man was mos nog heeldag besig om vroue met leuens te bekoor!
The Tinder Swindler het ’n punt van 100% op die resensiewebwerf Rotten Tomatoes met die topresensent Kevin Maher van The Times (UK) wat dit as die “Jaws van dokumentêre films oor internet-dating” beskryf het. Trouens, dit sou my nie verbaas as ’n hele lot singletons nou selfs meer skepties oor die dating app word – of dit selfs delete – nie.
Die meesleurende dokkie is deur dieselfde span wat die briljante The Imposter en Don’t F**k with Cats, gemaak het. Paste Magazine het juis gewys op die “frenetiese energie” wat The Tinder Swindler met Don’t F**k with Cats deel.
Stroom nou op Netflix.
Kyk ook:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
