The Suspect, met Aidan Turner in die hoofrol, is gegrond op Michael Robotham se gelyknamige topverkoperboek.
Die storie draai om die kliniese sielkundige dr. Joseph O’Loughlin (Turner) wie se haas perfekte lewe onherroeplik verander as die lyk van ’n jong vrou in ’n vlak graf in Wes-Londen gevind word.
Dis die veteraan-polisiebeampte, Vince Ruiz (Shaun Parkes) en sy rookie partner, Riya Devi (Anjli Mohindra), wat besluit om sy hulp in te roep met die ondersoek na dié ontstellende moord.
Dan is die dokter se held-status, suksesvolle praktyk, en gelukkige gesinslewe in gedrang as dit blyk dat hy eintlik op ’n ander manier by die saak betrokke is…
The Guardian het die reeks vier uit vyf sterre gegee, en skryf dat “Aidan Turner cranks the creepiness up to 11 in [this] fun, sadistic thriller.”
The Suspect se eerste seisoen is vanaf 15 September op Showmax beskikbaar.
