Showmax se nuwe waremisdaad-dokkie, The Last Blue Ride: The Hannah Cornelius Story, vertel oor ’n verkragting- en moordslagoffer se laaste ure voordat sy doodgemaak is.
Hannah Cornelius en haar vriend, Cheslin Marsh, beide Maties-studente op Stellenbosch, is op 27 Mei, 2017 buite Cheslin se woonstel in haar blou Citi Golf aangerand. Cheslin het erge kopbeserings opgedoen, maar het wonderbaarlik oorleef nadat hy vir dood agtergelaat is. Hannah is egter in haar Golfie ontvoer, en later om die beurt verkrag en wreed vermoor.
Die fliek se regie is deur die joernalis Anthony Molyneaux wat slim van kringtelevisie-beeldmateriaal van die aand gebruik maak. Daar is ook beeldmateriaal van die gedenkdiens en die hofsaak wat sou volg. En dan, natuurlik, is daar ook Cheslin se vertelling van wat hy van die aand kan onthou.
The Last Blue Ride: The Hannah Cornelius Story is nou op Showmax.
