Menu terloops

The Idol S1

Op Showmax [Gepubliseer op 5 Jun 2023]


‘The Idol’ draai om ’n popster, Jocelyn (Lily-Rose Depp), wat na ’n senuwee-ineenstorting vasbeslote is om haar kroon as die grootste en sexyste popster in Amerika terug te eis.

Kyk nou

The Idol S1
Kyk lokprent

Wel, die eerste resensies is in en… dis erger as wat ons verwag het. Tans het The Idol, wat uit die staanspoor in groot omstredenheid gehul is ná – onder meer – die oorspronklike regisseur midde verfilming met Euphoria se Sam Levinson vervang is, ’n vreeslike vrot punt op die resensiewebwerf Rotten Tomatoes.

Die storie draai om ’n popster, Jocelyn (Lily-Rose Depp, The King), wat na ’n senuwee-ineenstorting vasbeslote is om haar kroon as die grootste en sexyste popster in Amerika terug te eis. Haar passie word weer aangevuur deur ’n bekende selfhelp-ghoeroe (en kultusleier), Tedros (Abel ‘The Weeknd’ Tesfaye). Sal haar romantiese ontwaking haar na glorieryke nuwe hoogtes of die diepste en donkerste dieptes van haar siel neem?

Ná die reeks se premiere by Cannes vanjaar, is die volop eksplisiete tonele deur sommiges as eerder haas pornografies bestempel en ’n toon van amperse vrouehaat is ook opgemerk. Met die reeks wat wêreldwyd vanaf Maandag, 5 Junie 2023, via HBO op verskeie stroomplatforms beskikbaar is, begin al meer negatiewe resensies ophoop.

Rolling Stone se resensent, David Fear, meen die reeks is “veel erger as wat jy sou verwag het”. The Daily Beast se Caspar Salmon skryf: Die storie se sleaze (opsetlik al dan nie) sou een ding wees, maar dit is die afskuwelike, selfverontskuldigende aanbieding van verkragtingskultuur wat skok.” Vogue meen egter dat diegene wat van Euphoria (ook op Showmax) hou, ook The Idol sal geniet.

Die Suid-Afrikaans-gebore popster (en ster van die Spud-trilogie), Troye Sivan, en Schitt’s Creek se Dan Levy, tel onder die rolverdeling.


Vanaf Maandag, 5 Junie 2023, op Showmax beskikbaar. 

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer

Jou ‘Suidooster’-gids vir Junie 2024

Rhafiek en Kaashifa sukkel om op dieselfde bladsy te kom en Elana ontdek ’n splinternuwe gawe – 'Suidooster'-kykers kan na dít en nog meer in Junie uitsien. Hier is ons handige kykgids.

Meer
Sien alle opsies