In die baanbrekende, somtyds omstrede trefferreeks, vertolk Zendaya ’n tienerverslaafde, Rue, wat tussendeur die lief en leed in haar tuisdorp, East Highland, ook hoop probeer vind.
In 2020 het Zendaya (Spider-Man: Far from Home) die jongste aktrise ooit geword toe sy ’n Emmy vir haar spel in dié dramareeks gewen het.
Die reeks is in 2019 as beste drama by die People’s Choice-toekennings aangewys en is ook wyd geloof en bekroon vir sy musiek, lirieke, grimering en kostuums.
Euphoria het ’n 8.4/10-gradering op IMDb en ’n 90% kritici-gradering op Rotten Tomatoes.
