The Days herinner aan HBO se ongelooflike vertelling van die 1986-kernramp in die 2019-minireeks, Chernobyl.
In The Days is daar egter ’n ander, meer onlangse, kernramp ter sprake: Fukushima.
The Days lê die gebeure van dié 2011-ramp – ’n reuse-krisis nadat ’n aardbewing en gevolglike tsoenami die kernaanleg erg beskadig het – oor die loop van sewe dae bloot.
Die storie word ook vanuit drie verskillende perspektiewe vertel – dié van regeringsamptenare, dié van werknemers van die Fukushima-kernaanleg, en ook die van die werknemers van die Tokyo Electric Power Company.
Daar is ’n paar verskillende regisseurs betrokke met die gruwelfliek-legende Hideo Nakata van The Ring-flieks en Dark Water, wat die absolute verskrikking en realiteit van die ramp by die kyker tuisbring. In die twee episodes wat hy regisseer, skep hy ’n naarmakende vrees wat klou – veral met sy afgryslike uitbeelding van kernbestraling.
Vanaf Donderdag, 1 Junie 2023, op Netflix.
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
