Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.
Moederhart
Maandag, 1 April
Nefise is geskok om uit te vind dat Muzaffer wel die polisie gebel het. Emre word gearresteer.
Dinsdag, 2 April
Ahmet veroorsaak weer drama met Onur. Muzaffe hoor hoe Mert in sy slaap praat oor hoor hoe Emre hom gered het.
Woensdag, 3 April
Kaan sleep Cemre by ’n raaiselagtige transaksie in. Asli bied aan om vir Zeynep-hulle te help, maar Zeynep is onrustig.
Donderdag, 4 April
Nefise maak ’n belangrike ontdekking in Muzaffer se geheime kamer. Sengül maak die lewe moeilik vir Zeynep, Cemre en Aysun.
Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.
Skerpioen
Maandag, 1 April
Efe betrap Ahmed en Duru in die hotelkamer en klik by Ferda. Perihan kry die uitslae van haar toetse en hoor sy’t nie meer lank om te leef nie.
Dinsdag, 2 April
Perihan vra vir Ferda om die leisels van die familie en die maatskappy oor te neem. Maar dit kom met ’n voorwaarde – sy moet vir eens en altyd van Ahmet ontslae raak.
Woensdag, 3 April
Aras gesels met Aysem oor stappe om toesig oor sy seun te kry. Perihan vra Hacer om te belowe dat sy vir niemand sal vertel van haar terminale kanker nie.
Donderdag, 4 April
Aras soen Aysem – en Ahmet en Duru sien dit. Ferda is woedend en vertel Aysem dat Aras haar gebruik om wraak te neem.
Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.
