Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovelas, wat na Afrikaans oorgeklank is, kan uitsien. Hier is wat op Moederhart en Skerpioen gaan uitspeel.
Moederhart
Maandag, 25 Maart
Azime probeer haar bes om uit te vind wie Emre regtig is. Intussen kan Mert vrygelaat word.
Dinsdag, 26 Maart
Mert herenig met sy pa ná sy vrylating. Aylin word gewond. Cemre vind Kaan se geheim uit.
Woensdag, 27 Maart
Zeynep is moedeloos, maar ook vasberade om haar ingewikkelde verhouding met Onur te beëindig. Maar sal haar liefde vir hom so maklik geblus kan word?
Donderdag, 28 Maart
Gaan Muzaffer se grootste wens vanaand waar word? Hy kry ook die ontstellende nuus oor wie Mert se ontvoerder is.
Moederhart word van Maandag tot Donderdag om 17:30 op kykNET&kie (DStv-kanaal 145) en DStv Stream uitgesaai.
Skerpioen
Maandag, 25 Maart
Perihan gee toe aan Ferda se afpersing om Sahin te red. Perihan stort ineen terwyl sy en Ferda baklei.
Dinsdag, 26 Maart
Perihan hoor dat sy kanker het. Ahmet rig sy aandag op Duru.
Woensdag, 27 Maart
Ahmet sê vir Duru die enigste manier hoe Aras se lewe gered kan word, is as Duru een aand saam met hom uitgaan. Ferda nooi haar dogters vir aandete.
Donderdag, 28 Maart
Ahmet dreig Merve dat hy Efe sal doodmaak as sy nie die troue bywoon nie. Aras sien hoe sy by Ahmet se hotelkamer instap.
Skerpioen word van Maandag tot Donderdag om 20:00 op kykNET&kie (DStv-kanaal 145) en DStv Stream uitgesaai.
