September beteken nie net die lente is hier nie – in Suidooster is hierdie mooi seisoen propvol drama, spanning en onverwagte kinkels met verhoudings wat op die proef gestel word, geheime verklap, en nuwe bande gesmee word.
1
Mrs J se besluit om Tulbagh haar nuwe tuiste te maak om vir Ronald te versorg, begin dit sy tol op haar dogters eis. Lee-Ann moes immers reeds vanjaar die verlies van haar geliefde Ty hanteer, en nou is Mrs J, haar en Bridgette se rots, ook nie meer deel van haar alledaagse doen en late nie.
2
Elana en Justin sit vas en dit lei tot ’n vurige debat. Boonop word dit ook op Radie Dassie uitgesaai. Susan se geheime plan om Elana te verras, misluk liederlik. Ook dít lei tot ’n ongemaklike oomblik wat regstreeks op lug uitspeel.
3
Terwyl Wade se verhouding met Angie begin verbrokkel, word Zoë meegesleur in ’n passievolle verhouding met Gary… Tot Bridgette se groot irritasie.
4
Imelda, ’n vasberade sakevrou, betree die toneel en nader JPD met ’n onmoontlike projek. Tog is Riaan vasberade om die uitdaging aan te pak. Maar Imelda koester ’n donker geheim wat alles kan omverwerp.
5
Met die koms van die lente is daar talle romantiese verrassings en op 18 September weergalm die trouklokkies deur Ruiterbosch.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
