Menu terloops
In Wat om te kyk [2 Dec 2024]

‘Suidooster’: Kyk uit vir dié sewe kinkels in Desember


Kapenaars weet dat die Kaapse Dokter behoorlik moeilik in Desember kan word, maar vanjaar word ’n orkaan van donker wolke vol drama vir Ruiterbosch oor die vakansieseisoen in ‘Suidooster’ voorspel. 

‘Suidooster’: Kyk uit vir dié sewe kinkels in Desember

Hierdie storielyne gaan Suidooster-aanhangers behoorlik op die punt van hul stoele hou.

1

Lee-Ann (Portia Joel) en Debbie (Marissa Claasen) se wraakplanne met Clayton (Ricardo Thomas) raak al gevaarliker. Dit is duidelik hulle speel met vuur. Gaan dit ’n kwessie van ’n oog vir ’n oog word? 

2

’n Jakkals verander van haar, maar nie van snaar . . . Nazeem (Irvine van der Merwe) neem drastiese stappe om Emir, sy en Kaashifa (Jawaahier Petersen) se spogrestaurant, se deure oop te hou. In die proses laat hy die pap op die grond val en dit plaas Kaashifa se reputasie op die spel. 

3

Elana (Esther von Waltsleben) se poging om groter bewustheid by Ruiterbosch oor omgewingsvriendelikheid te skep, ontplof in haar gesig en dit mag dalk ook Anker se doppie klink. 

4

’n Groot apteekgroep het hul oog op die Aalwyn-apteek en dit is ’n bitter pil vir Ruiterbosch se inwoners om te sluk. Aiden (Theodore Jantjies) word gedwing om ’n belangrike besluit oor die apteek se toekoms te neem en dit begin al meer na ’n Dawid-en-Goliat-stryd lyk. 

5

Iemand uit Riaan (Daniel Coetzee) se verlede in Australië maak kontak. Dit blyk daar is tog ’n geraamte in Kate (Annelisa Weiland) se seun se kas! 

6

Bridgette (Denise Newman) het groot planne vir Kersfees en sy berei vir ’n spoggerige affêre voor. Haar pad na die “perfekte” Kersfees is egter besaai met duwweltjies.

7

Terwyl Ruiterbosch se inwoners gereed maak om 2024 te groet, is daar verwikkelinge op die liefdesfront. Veral Siya (Gantane Kusch) se liefdeslewe neem ’n verrassende wending, terwyl Wade en Zoë voor ’n toets te staan kom.


Suidooster word weeksdae om 18:00 op kykNET (DStv-kanaal 144) en 18:30 op kykNET&kie (DStv-kanaal 145) uitgesaai. Suidooster is ook beskikbaar op Catch Up, DStv Stream en Showmax. 

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies