Hier is ’n voorsmakie van wat jy hierdie maand in Suidooster kan verwag.
Maandag, 2 Desember
’n Wonderlike geleentheid kom oor Aiden se pad, terwyl Nazeem sy bes doen om Emir uit die rooi te kry. Lee-Ann gee Debbie se pistool vir haar terug en hoop dat sy niks onverantwoordelik daarmee sal doen nie.
Dinsdag, 3 Desember
Lee-Ann moet weer by Clayton ’n draai gaan maak. Kate en Aiden vang vir Justin met ’n slap riem, terwyl Bianca nie gelukkig is met Nazeem se nuwe plan nie.
Woensdag, 4 Desember
Debbie en Lee-Ann neem drastiese stappe, terwyl Aiden en Elana ’n nuwe veldtog loods. Nazeem ontvang ’n moeilike versoek en Kaashifa beleef iets spesiaals.
Donderdag, 5 Desember
Nog twee voëls word dood buite Anker gekry en Bennie is oortuig dis Elana se skuld. Lee-Ann en Debbie neem finaal ’n besluit oor hul vriendskap, terwyl Nazeem onkant gevang word as Kaashifa en Rhafiek onverwags by Emir opdaag.
Vrydag, 6 Desember
Riaan stoei met sy gewete, terwyl Justin ’n desperate plan maak om ’n kompetisie te wen. Nazeem se skelm plan vir Emir verloop goed. Sal Kaashifa besef wat aangaan?
Maandag, 9 Desember
Kaashifa het ’n moeilike besluit om oor Emir te neem. Elana se kroeg kry swaar onder die protesaksie en Riaan se verlede haal hom in.
Dinsdag, 10 Desember
Kaashifa en Nazeem stamp steeds koppe, maar wie gaan wen? Aiden en Elana het probleme by die werk, terwyl ’n nuwe gesig dinge in Ruiterbosch deurmekaar kom krap.
Woensdag, 11 Desember
Anker beleef ’n nog erger terugslag. Kaashifa klop by Bridgette aan vir hulp. Hanli maak haar intensies duidelik aan Riaan.
Donderdag, 12 Desember
Dis Kaashifa se eerste dag terug by Emir. Elana is woedend vir Aiden, terwyl Riaan ’n onthulling maak.
Vrydag, 13 Desember
Elana en Kate is oortuig dat Aiden die een is wat die kliniese afval in die natuurreservaat gestort het. Hanli word op haar plek gesit, terwyl sake lelik skeefloop vir Nazeem.
Maandag, 16 Desember
Nazeem se nuwe planne vir Emir maak Rhafiek bekommerd. Aiden se situasie word al hoe erger en die gort is gaar wanneer Bianca iets skokkend ontdek.
Dinsdag, 17 Desember
Aiden neem desperate stappe om die apteek se reputasie te red. Riaan sukkel om sy geheim aan Bianca en Kate te verduidelik, terwyl Siya ’n nuwe romantiese afspraak het.
Woensdag, 18 Desember
Gary en Aiden het ’n plan om agter die kap van die byl te kom. Riaan sukkel om met die verlede vrede te maak, terwyl Wade en Zoë in die sop beland.
Donderdag, 19 Desember
Hanli kry klein bietjie hoop, terwyl Bridgette ’n wilde idee in Justin se kop plant. Aiden spook om sin te maak van Tarryn se vreemde gedrag, maar gaan hy hou van wat hy uitvind?
Vrydag, 20 Desember
Nazeem gee vir Susan ’n idee wat vlam vat. Riaan hoor JPD gaan saam met Hanli se hotel werk. Elana hou ’n vergadering met die vyand.
Maandag, 23 Desember
Bianca doen moeite met Riaan. Aiden ontdek iets skokkend, terwyl Susan stres oor die radiodrama. Bridgette en Zoe bak vir iemand ’n poets …
Dinsdag, 24 Desember
Siya en Angie voel albei ongemaklik oor ’n toneel in die radiodrama. Kate se Oukersete word kortgeknip terwyl Hanli met Bianca swaarde kruis.
Woensdag, 25 Desember
Bridgette het haar Kersete verbrand en moet kanselleer. Mymoena verdedig Bianca by Kate, terwyl Hanli vir Riaan verras.
Donderdag, 26 Desember
Siya en Angie kom al nader aan mekaar, terwyl Bridgette desperaat ’n nuwe plan maak met haar kookpligte. Riaan wil dinge met Hanli uitsorteer.
Vrydag, 27 Desember
Riaan voel onder druk en Kate waarsku hom teen ’n oorhaastige besluit. Almal dink Siya het ’n nuwe meisie, terwyl die Kersgeskenke wat Gary omgeruil het hom ’n dure les leer.
Maandag, 30 Desember
Riaan soek toenadering tot Bianca, maar gaan sy haar hart versag teenoor hom? Siya en Angie se geheim begin al hoe swaarder weeg, terwyl ’n enigmatiese figuur in Ruiterbosch opdaag.
Dinsdag, 31 Desember
Ruiterbosch maak gereed vir Nuwejaarsvieringe. Kate sê haar sê, terwyl Damian nog steeds ’n oog op Zoë het.
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná uitsending op Catch Up.
