Menu terloops
In Gons [28 Feb 2024]

Rukwinde tref ‘Suidooster’ in Maart


Met die aanbreek van herfs in Ruiterbosch, is dit nie net die bome se blare wat van kleur verander nie – van die inwoners begin ook hul ware kleure wys…

Stroom Suidooster aanlyn

Rukwinde tref ‘Suidooster’ in Maart

Kyk uit vir dié ses storielynkinkels in Suidooster in Maart.

1

’n Donker wolk hang oor Siya en Danni se huwelik soos hulle sukkel om op dieselfde bladsy oor hul hunkering vir nog ’n kind te kom. Dit begin lyk of die skrif aan die muur vir hierdie verhouding is, want al uitkoms wat hulle sien is egskeiding… Is dit dus die einde van die pad vir die Thulis? Of gaan hulle ’n laaste poging aanwend om hul huwelik te red? 

2

Dit blyk dat Mymoena en Sammy meer as net vriende wil wees, en dit veroorsaak onmin in die Samsodien-gesin. Daar is ook olie op die vuur wanneer Nazeem in Sammy se verlede begin krap en hy ’n baie interessante ontdekking maak. Gaan Nazeem se ammunisie die doodskoot vir Sammy en Mymoena se verhouding wees? 

Suidooster
Ai, hoekom is almal dan so gepla met Mymoena se liefdeslewe? Foto: Verskaf
3

Tim se gekonkel om Bridgette ’n rat voor die oë te draai, begin vrugte afwerp, maar hy het dalk die wa voor die perde gespan. 

4

Daar is groot spanning in die Daniels-huishouding wanneer Ty vir Lee-Ann van ’n nuwe affair beskuldig. Dit is egter nie net Lee-Ann wat moet koes vir Ty se kort lont nie – selfs sy vriende loop deur. Wys hy dalk vir die eerste keer sy ware kleure? Of is daar ’n ander rede vir sy buffelagtige gedrag? 

5

Dit gaan voor die wind met Wade en Angie as hulle onverwagte sterre op sosiale media raak. Maar met roem kom daar ook druk en die hoogste bome vang mos die meeste wind.

6

’n Vernietigende stryd is op Ruiterbosch se horison as Bridgette en haar familie skokkende nuus kry. Die duiwel is behoorlik los wanneer spoke uit die verlede begin loop… 


Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná die uitsending op Catch Up.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer

Jou ‘Suidooster’-gids vir Junie 2024

Rhafiek en Kaashifa sukkel om op dieselfde bladsy te kom en Elana ontdek ’n splinternuwe gawe – 'Suidooster'-kykers kan na dít en nog meer in Junie uitsien. Hier is ons handige kykgids.

Meer
Sien alle opsies