Die jaar het rustig genoeg vir die inwoners van Ruiterbosch in die kykNET-sepie, Suidooster, begin, maar in Februarie is daar nie vir ’n enkele karakter rus te vinde nie. Hier is agt storielyn-kinkels waarna kykers in die maand van liefde kan uitsien.
1
Danni en Siya probeer maak of alles normaal is, maar hulle sukkel met die realiteit dat hulle nie kan kinders hê nie. Is die Thuli-egpaar se huwelik in troebel waters?
2
Dit lyk asof ware liefde wél vir Nazeem bestem is! Hy wend ook regtig ’n poging aan om ’n beter mens te wees. Tog gun sy eks-skelpmie hom nie dié geluk nie. Die gort is behoorlik gaar as Zoë sy verhouding met Laylla in die wiele ry.
3
Lee-Ann, Bianca en Elana maak gereed om ’n groot funksie te hou om fondse vir die skool se nuwe swembad in te samel… Maar dan steek konflik sy kop uit.
4
Lee-Ann glo die tyd is ryp vir Bridgette om weer haar hand aan liefde te waag.
5
Mymoena ontmoet die nimlike Sammy, ’n afgetrede landdros, in die parkie en dit blyk dat dié twee dalk meer as vriende kan wees. Maar Mymoena se kinders is nie te beïndruk met dié verwikkeling nie…
6
Wade bied ’n jogaklas aan, maar dit loop skeef. Hy en Angie besluit dan om iets anders te kry om saam te doen. Het hulle uiteindelik hul roeping gevind?
7
Tim wil graag aan ’n ontwerpkompetisie vir argitekte deelneem, maar Bridgette probeer ’n stokkie daarvoor steek. Gaan dit ’n nuwe oorlog tussen dié twee ontketen?
8
’n Skokgebeurtenis dompel Ruiterbosch in rou…
Kyk Suidooster weeksdae om 18:00 op DStv-kanaal 144 (ook aanlyn op DStv Stream) of ná die uitsending op Catch Up.
