Die eerste seisoen van die skaterlag-snaakse Son of a Critch het volpunte op die resensiewebwerf Rotten Tomatoes en is reeds vir ’n derde seisoen hernu.
In die tweede seisoen van die hartverwarmende reeks begin die nuwe skooljaar met nuwe uitdagings vir die tiener Mark Critch. Daar’s sy eerste fight, sy eerste bier… en selfs sy eerste paar jeans (wie op aarde onthou hul eerste paar jeans?!). Maar hoe groter geliewe Mark se lewe raak, hoe meer gekompliseerd raak dinge ook.
Die storie is gegrond op die gelyknamige memoir deur die akteur en TV-skepper Mark Critch en vertel oor sy grootwordjare in die 1980’s as ’n tiener in Kanada se Newfoundland en Labrador. Terwyl Benjamin Evan Ainsworth (Pinocchio) die jong Mark vertolk, is die werklike Mark ook in die rolverdeling as sy pa. Malcolm McDowell (A Clockwork Orange) speel sy oupa.
John Doyle van The Globe & Mail skryf: “In ’n reeks wat probeer om ’n delikate balans tussen humor en hartverwarmende oomblikke te vind, is dit die suiwer pret wat jou vasgenael hou.
Die tweede seisoen is vanaf 11 Oktober 2023 op Showmax beskikbaar. Die eerste seisoen van Son of a Critch is ook op Showmax.
