Menu terloops
In Sepies [7 Nov 2022]

Sepies: Wat is ’n sepie sonder ’n reeksmoordenaar of twee?


Verhoudings word oral in Sepieland getoets en dan moet ons gunsteling-karakters boonop oor hul skouers vir reeksmoordenaars uitkyk. Sepies op ons radar dié week sluit ‘Suidooster’, ‘Arendsvlei’ en ‘Binnelanders’ in.

Deur Tarren-Lee Habelgaarn
Sepies: Wat is ’n sepie sonder ’n reeksmoordenaar of twee?

Dit gaan maar rof en dit voel asof niemand betroubaar is nie. Wat het van eerlikheid en respek geword? Dit is beslis nie in Sepieland te vinde nie. Maak jou gordel vas, want ek dink nie ons is gereed vir die kullery wat in ons sepies op ons wag nie.

Suidooster

As sepie-skrywers Oprah Winfrey was, sou ons seker teen die tyd al gehoor het hoe skree hulle, “jy kry ’n reeksmoordenaar! Jy kry ’n reeksmoordenaar! Jy kry ’n reeksmoordenaar!”. Dit is mos ’n produksie se go-to wanneer dinge ’n bietjie vervelerig raak en kykers meer spice in hul sepie-lewens nodig het. En wie raak dan nou nie invested in ’n reeksmoordenaar-storielyn nie? Veral as die moordenaar geliefde karakters teiken! Dié keer is dit Suidooster se beurt en shocker… Ons ken die persoon.

Ek weet nog nie presies wie dit is nie, maar Anja (Monique Basson) het haar moordenaar gegroet met die woorde, “o, dit is jy”, voordat die persoon haar koelbloedig vermoor het. Toe moes Zoë (Lauren Joseph) vir haar lewe hardloop. Dankie tog sy is fiks, want ek weet nie hoe ver ek sou kon hardloop in daardie oomblik nie. Nou lyk dit asof nog ’n bekende Ruiterbosch-dame se lyk vanaand gevind word, so ons MOET die persoon ken. Vingers wys na Siya (Gantane Kusch), maar my geld is op Nazeem (Irvine van der Merwe) of daai juice bar weirdo, Junaid (Hein Poole).

Nazeem is een van my verdagtes, bloot omdat dit Nazeem is! Waar onmin gesaai word, is hy nooit ver agter nie. Junaid is egter my hoofverdagte omdat hy motief het. Hy wil Siya uit die prentjie uit hê, sodat hy vir Danni (Vashti Prins) kan afvry. Meer uit die prentjie kan iemand nie wees as agter tralies nie. En elke keer as iemand sterf, is dit wanneer Junaid nie sy sin kry nie. Dit is maar net my teorie, maar ek is nou al ’n gesoute sepie-speurder en ek glo in my talente. Almal is bang vir die reeksmoordenaar, maar Susan (Natasha van der Merwe) moet eerder bang wees vir Elana (Esther von Waltsleben) se ma. Dié is woedend nadat sy vir Susan en Justin (Eden Classens) saam gevang het.

Kyk Suidooster op DStv Online.

Arendsvlei

Ayesha (Megan Saayman) het aan my hartsnare getrek verlede week toe sy aangebied het om Janice (Crystal-Donna Roberts) en Lionel (Jody Abrahams) se surrogaat te wees. Dit is ’n onbaatsugtige daad, maar ek dink nie hulle besef hoe swaar die journey gaan wees nie. Ayesha se ouers gaan haar nooit vergewe nie en sy gaan vrede daarmee moet maak. Maar wat my regtig bekommer is die band tussen Ayesha en Janice! Ons almal weet hier kom ’n kinkel, anders sou dit nie ’n sepie wees nie. Die susters het mekaar eers onlangs gevind en ek hoop dat hierdie mooi daad nie hul verhouding gaan opneuk as Ayesha nie hul baba vir hulle wil gee of so iets nie. Ek weet die skrywers gaan ons op een helse emosionele tuimeltreinrit  met hierdie storielyn sit.

Kyk Arendsvlei op DStv Online.

Binnelanders

Ek is so bly ek was ’n vlieg teen die muur – of in hierdie geval op my gemaklike rusbank – toe Danny (Bradley Olivier) vir Steve (Clint Brink) van Annetjie (Lorraine Burger) vertel. Steve se reaksie was priceless en ek het gekraai soos ek lag. Ek kan net dink wat deur sy kop gemaal het. Daar is darem ’n helse verskil tussen Delia (Odelle De Wet) en Annetjie! Die het my weereens herinner dat jy jou lelik kan vasloop met online dating, maar aan die anderkant wys Netflix vir ons Love is Blind… So dalk werk dinge tog vir Steve en Annetjie uit. Kom ons kyk maar hoe hy homself uit dié een wurm.

Kyk Binnelanders op DStv Online.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies