’n Engelstalige weergawe van die 1973 Sweedse treffer oor die lief en leed van hedendaagse paartjies. Die 2021 weergawe is geskryf en geregisseer deur Hagai Levi vir HBO en het Oscar Isaac en Jessica Chastain in die hoofrolle. Die reeks kyk na liefde, haat, die huwelik en egskeiding deur die lens van ’n moderne Amerikaanse paartjie.
Die London Evening Standard sê: “Hierdie is ’n ernstige reeks met baie dialoog en twee spelers wat die aaklige emosionele roete moet volg om hulle van mekaar te bevry, maar in die bekwame hande van Chastain en Isaac, twee magiese akteurs, is dit moeilik om weg te kyk”.
Nuwe episodes van Scenes from a Marriage is beskikbaar op M-Net, en kom dadelik na DStv-aanlyn, elke Maandag van 11 Oktober 2021 om 22:30.
