Menu terloops

Russian Doll S1-2

Op Netflix [Gepubliseer op 20 Apr 2022]


‘Russian Doll’ se tweede seisoen speel vier jaar ná die gebeure van die eerste seisoen af.

Russian Doll S1-2
Kyk lokprent

Natasha Lyonne is ná die eerste seisoen van Russian Doll absoluut onmiskenbaar.

Letterlik.

Jy. Kan. Haar. Nie. Mis. Nie. Nee, ons praat nie van haar wilde rooi haardos nie (hoewel dit nogal uitstaan). Dis eerder haar formidabele talent wat op skou is. Sy het immers dié eiesoortige, blerrie geniale komedie-drama saam met die komedie-ikoon Amy Poehler (Parks & Recreation) geskep.

Buiten haar vertolking van die hoofrol, is sy ook een van die reeks se skrywers en dien boonop as regisseur van dié oorspronklike Netflix-reeks.

Russian Doll draai om Nadia (Lyonne) wat in ’n Groundhog Day-situasie vasgevang is. Op ’n aand is sy by ’n partytjie in New York en word aan die einde van die aand vermoor. Maar dan word sy die volgende dag ongedeerd wakker asof niks gebeur het nie…behalwe dat sy nou in ’n onverklaarbare time loop vasgevang is. Is sy gedoem om vir die res van haar “lewe” dié dag – en haar moord – tot in ewigheid te herhaal? Maar dié rooikop is nie ledig nie en ’n skater-slim storie ontvou soos sy kop of stert van haar lot probeer uitmaak en antwoorde soek. 

Die eerste seisoen was ’n wegholsukses met die tweede seisoen wat ná drie jaar uiteindelik vrygestel is.

Lees ook André-Pierre du Plessis se resensie van die tweede uittog, wat vier jaar ná die gebeure van die eerste seisoen afspeel.

Die Suid-Afrikaanse akteur, Sharlto Copley, is tot die rolverdeling gevoeg en ’n soektog na gesteelde Krugerrande is een van die seisoen se belangrikste plotpunte.

Albei seisoene is nou op Netflix met die nuwe seisoen wat vanaf 20 April beskikbaar is.

Kyk ook:

Kry Netflix met DStv

DStv-intekenare kan met die nuwe Explora Ultra toegang tot Netflix kry. Kry dit nou →

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

15

Van ‘Bridgerton’ tot ‘Shaka iLembe’: 15+ periodedramas om nou te kyk

Van die Shelby-broers se bloederige vuiste in ‘Peaky Blinders’ tot dáái koetstoneel in die derde seisoen van ‘Bridgerton’. Hier is ons keur van die beste periodedramas wat jy tans kan stroom. 

Meer
18

Wat om te kyk: 18+ epiese boeke wat in TV-reekse omskep is

Soveel boeiende boeke wat omskep is in soveel skitterende TV-reekse. Hier is ons keur van dié reekse wat jou gaan bekoor, inspireer en ontroer.

Meer

Redakteurskeuse vir Junie 2024: Grootse ‘House of the Dragon’ keer terug, Federer se finale dae, Celine Dion se stryd, en nog

Wat om te kyk: Roerende dokkies oor Celine Dion en Roger Federer, die tweede seisoen van die epiese 'House of the Dragon' en deel twee van 'Bridgerton' se derde seisoen tel onder my keur van TV-vermaak vir vandeesmaand se redakteurskeuse.

Meer

Jou ‘Diepe Waters’-gids vir Junie 2024

Daar is ’n skokkende voorval by die swemklub, Zelda is ongelukkig en ’n onwelkome gas verskyn op Sanet se drumpel. Dít en nog meer is waarna 'Diepe Waters'-kykers in Junie kan uitsien. Hier is ons handige kykgids.

Meer
Sien alle opsies