Neels van Jaarsveld se miniatuur-spikkelworshond, Lulu, is amper net so bekend soos hy. In die nuwe kykNET-reeks, Op reis met my beste vriend, gaan Neels, Lulu en kykers vir ander bekendes en hul troeteldiere ontmoet. Saam gaan hulle alles doen – van hondevriendelike roomys tot met dieresieners praat.
Van die bekendes wat in Op reis met my beste vriend te sien is, is die sangeres Leah en haar twee Jack Russells, Miggie en Lila; die akteur Theodore Jantjies en sy boerboel, Duke; die sangeres Reandi Grey en haar goue apporteerhonde, Benji en Nina; en Francois Jacobs en Nykie Pretorius en hul Staffordshire-terriërs.
Weeklikse episodes vanaf Saterdag, 8 April 2023, om 18:00 op kykNET (DStv-kanaal 144) en DStv Online.
