In Money Heist: Korea – ’n tipe remake van die oorspronklike Spaanse treffer wat in dié weergawe in Korea afspeel – neem rowers die munt van ’n (verbeelde) verenigde Korea oor.
Die munt – geleë in die sogenaamde Joint Security Area (waar vandag se Noord- en Suid-Korea van mekaar geskei is) is die middelpunt van die aksie. Dís immers waar ’n splinternuwe geldeenheid gedruk word as deel van ’n politieke poging om die fondasie vir ’n stabiele nuwe ekonomie te bou.
Die rowers het egter ander planne. Dié nuwe ekonomie, meen hulle, het die wêreld selfs meer ongelyk gemaak en die rykes raak net al ryker. Die polisie moet bontstaan om die gyselaars te red en die rooftog se meesterbrein te stuit.
Vir Money Heist-aanhangers is daar goeie nuus: ’n Spin-off wat in Berlyn afspeel word tans vervaardig.
Money Heist: Korea is vanaf 24 Junie op Netflix.
Kyk ook:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
