Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, wat na Afrikaans oorgeklank is, kan uitsien. Hier is wat hierdie week op Moederhart gaan uitspeel.
Maandag, 19 Augustus
Muzaffer word ingesleep by Azime se leuen aan haar kinders. Ahmet verklaar sy liefde aan Cemre.
Dinsdag, 20 Augustus
Die kinders vind uit dat Nefise ontvoer is. Hulle is woedend dat die inligting van hulle weerhou is. Asya en Emre soek na Kemal en maak ’n vreemde ontdekking.
Woensdag, 21 Augustus
Muzaffer vra die kinders om verskoning omdat hy oor Nefise gejok het. Azime sê dit was haar besluit om die waarheid weg te steek.
Donderdag, 22 Augustus
Nefise probeer alles om Emre se aandag te trek. Cemre glip uit om Ahmet te ontmoet en hom kwansuis te vra om te help om haar ma te vind.
Moederhart word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar.
