Elke week bring ons vir jou ’n opsommende voorskou oor al die drama, smart en skandale waarna jy op kykNET&kie se Turkse telenovela, wat na Afrikaans oorgeklank is, kan uitsien. Hier is wat hierdie week op Moederhart gaan uitspeel voordat dié telenovela hierdie week tot ’n einde kom. Dit word deur die oorgeklankte telenovela, My Naam is Farah, vervang.
Maandag, 7 Oktober
Nefise en haar kinders sit op straat nadat hulle uit Muzaffer se huis gegooi is. Muzaffer is desperaat om met Emre te praat.
Dinsdag, 8 Oktober
Onur vra Zeynep om te trou. Emre hoor die waarheid uit Muzaffer se mond, maar glo dit nie.
Woensdag, 9 Oktober
Azime is in sak en as. Zeynep en Cemre blameer Azime vir alles wat gebeur het. Nefise en Aysin is steeds skoonveld.
Donderdag, 10 Oktober
Emre vertel vir Suat van sy voorneme om die stad te verlaat. Mert, Zeynep, Cemre en Suat probeer vir ’n laaste keer om vir Emre te oortuig om nie weg te gaan nie.
Moederhart word Maandae tot Donderdae om 20:00 op kykNET&kie (DStv-kanaal 145) en DStv Stream uitgesaai. Dit is ook ná uitsending op Catch Up beskikbaar.
