Minx is op Esquire se lys van die beste TV-programme van 2022 en is reeds vir ’n tweede seisoen hernu. Geen wonder – dit het immers ’n punt van 97% op Rotten Tomatoes. Die kritici se konsensus is vol lof vir dié plesierige komediereeks. Dit lui: “Die verhouding tussen Ophelia Lovibond en Jake Johnson is die onweerstaanbare middelpunt van Minx, ’n stout en skerp komedie wat ’n volbladstorie verdien.”
Die storie speel in die 1970’s in Los Angeles af. Daarin span ’n jong feminis kragte met ’n uitgewer saam om die eerste erotiese tydskrif vir vroue uit te gee. Ophelia Lovibond van Feel Good en Elementary en Jake Johnson van New Girl vertolk die hoofrolle.
