Menu terloops

Lui maar op, Belinda S1-3

Op DStv en Showmax [Gepubliseer op 3 Apr 2023]


Geliefde aktrise Brümilda van Rensburg speel die hoofrol in hierdie kykNET-komedie nou op Showmax.

Lui maar op, Belinda S1-3
Kyk lokprent

Daar wag vreugde, komedie én trane in die nuwe seisoen van Lui maar op, BelindaBrümilda van Rensburg vertolk steeds die naamrol teenoor Annelisa Weiland (Annetjie) terwyl Duncan Johnson (Ian), Wian Taljaard (Dirkie) en Carmen Maarman (Maggie) steeds sorg vir heerlike vermaak. Eric Nobbs, wat die geliefde karakter Frans gespeel het, is oorlede tydens verfilming van die nuwe seisoen en is steeds in die eerste drie episodes te sien. Die rol van Frans word daarna deur die veteraan-akteur Chris van Niekerk vertolk.

Hierdie kykNET-komedie gaan oor ouer word en draai om die mense van Ian en Ander, ’n winkeltjie in George. Dit behoort aan ene Ian Jantjies, ’n middeljarige man wat die gedruis van die stad agterweë laat vir die sogenaamde vrede van ’n klein dorpie. Maar toe is dit als behalwe! Sy drie…effens ouer werknemers, maak hom by die dag gryser.

Belinda is ’n voormalige beroemde Afrikaanse aktrise wat meer tyd voor die spieël as voor haar kasregister bestee. Annetjie Nel is ’n bakker wat haar meer by die winkel se gebak as by die winkel se probleme moet bepaal. Dan is daar die sjarmante Frans Wessels wat sy bes probeer om die vrede tussen Annetjie en Belinda te hou. Die arme siel slaag selde. Saam-saam ervaar hulle die lewe se tweede kanse en leer ook dat pret niks met ouderdom te doen het nie. 

Aan die einde van die vorige seisoen het Belinda ontdek sy het borskanker. Met die aanvang van die derde eisoen word dié storielyn hervat. Dis ’n wipwarit van emosies wat op kykers wag soos dié reis van Belinda uitgebeeld word. 

Die eerste twee seisoene is op Showmax beskikbaar. Die derde seisoen se episodes word weekliks vanaf Maandag, 3 April, om 20:00 op kykNET (DStv-kanaal 144) en DStv Online uitgesaai. Kyk dit ook op Catch Up.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies