Menu terloops
In Wat om te kyk [24 Jan 2022]

Lokprent: ‘Sex in Afrikaans’ lig sluier op swingers, ‘koeksister-tannies’ en seks


“Hierdie koeksister-tannies bestel die groot vibrators.”
Jip, Showmax se nuwe dokumentêre reeks, ‘Sex in Afrikaans’, draai nie doekies om nie.

Kyk nou, ouderdomsperk 18SN

Lokprent: ‘Sex in Afrikaans’ lig sluier op swingers, ‘koeksister-tannies’ en seks
Kyk lokprent

Afrikaans people and the adult industry, they go hand in hand.” 

“Hierdie koeksister-tannies bestel die groot vibrators.”

“In Suid-Afrika, is daar meer as 40 000 geregistreerde swingers.” 

Hierdie is net drie van die aansprake in die eerste lokprent vir Showmax se oorspronklike dokumentêre reeks, Sex in Afrikaans.

Sex in Afrikaans, wat op Valentynsdag, 14 Februarie 2022 op Showmax vrygestel word, volg kliniese sielkundige Bradley R Daniels soos hy vier Afrikaanse paartjies, asook twee enkellopendes, help om prontuit oor hul sekslewe te praat.

In kort: Sex in Afrikaans wys wat werklik agter geslote deure gebeur – en dui ook op die noodsaaklikheid om openlik en sonder vooroordeel daaroor te praat.

Daar is onderhoude met sekswerkers, die eienaars van Adult World, Lollipop Lingerie, swingers, dominatrixes, ’n fopdosser, ’n dungeon master (jy sal maar self moet kyk), mense wat soos babas aantrek vir hul seksuele plesier en ander wat vollengte latex-pakke verkies.

“Ek het elke dag iets nuuts geleer,” sê Bradley. 

Seks is vir my kak lekker

Uit Sex in Afrikaans

“Dit was ’n wonderlike gevoel om te sien hoe dinge wat ek in handboeke geleer het, in die praktyk bymekaar kom. Ek dink dit is dieselfde in alle konserwatiewe gemeenskappe,” voeg hy by.

“Niemand praat werklik oor seks nie; dis ’n sensitiewe onderwerp. Selfs mense wat hulself as liberaal beskou, sukkel om oor seks te praat, want baie mense het nie geskikte taal vir seks en seksuele praktyke nie. ’n Groot deel van ’n seksuele gesondheidspraktisyn se werk is om vir mense die geskikte taal te gee. Ons het soveel pret gehad, maar ek is ook ’n ernstige akademiese persoon, so die program is ook opvoedkundig en leersaam.”

Hierdie grensverskuiwende Showmax Original is deur die TV- en radio-persoonlikheid Rian van Heerden se maatskappy, Provoco, vervaardig.

Sex in Afrikaans is een vir die boeke,” sê Rian. “Ek sou so ver gaan as om te sê dat hierdie die mees omstrede reeks gaan wees wat al ooit op Suid-Afrikaanse televisie uitgesaai is.” 

Ons sal moet sien of Rian reg is, maar daar wag wel sekspoppe, mummifikasie, ’n opwip-sekswinkel in Parys (die een in die Vrystaat, mense), om nie eers te praat van die naakte waarhede wat uit die monde van mense soos Loslyf-stigter Joe Theron en Luvland-eienaar Patrick Meyer kom nie. 

Maar ons hoop Rian is verkeerd. Buitendien, soos verskeie Afrikaners in die lokprent sê: “Seks is okay;” “Seks is net seks,” en “Seks is vir my kak lekker.” 

So, wat is dan nou so omstrede aan moeilike onderwerpe en diep gesprekke?

  • Let wel: Sex in Afrikaans het ’n ouderdomsperk van 18SN.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Jou kykgids vir ‘Boer soek ’n vrou’ se 16de seisoen

Dit als begin met ’n brief... Hier is wat jy in elke episode van die nuwe seisoen van die maatsoekreeks 'Boer soek ’n vrou', vanaf Donderdag, 18 Julie 2024 op kykNET, kan verwag.

Meer

Die onverbiddellike houvas van Jake Gyllenhaal se ‘Presumed Innocent’

'Presumed Innocent', ’n nuwe misdaadreeks op Apple TV+ met Jake Gyllenhaal in die hoofrol, is ’n rit deur troebel waters van geregtigheid en verraad – ’n rit wat jy eerder nie moet misloop nie.

Meer

Redakteurskeuse vir Julie 2024: Trefferreeks ‘Elite’ se finale seisoen, ’n robot vir jou trane in meesleurende ‘Sunny’, en nog

Wat om te kyk: Die finale seisoen van die Netflix-treffer ‘Elite’, ’n manjifieke Kate Winslet in ‘The Regime’ en ’n troos-robot in ‘Sunny’ tel onder my keur van TV-vermaak vir vandeesmaand se redakteurskeuse.

Meer

Jou ‘Skemergrond’-gids vir Julie 2024

Ons ontmoet die mense van Gemoedsdrif, en sommer in die eerste episodes is daar reeds nuwe romanse, ’n bakleiery en iemand se verlede wat kom spook. Dít en nog meer is waarna ‘Skemergrond’-kykers in Julie kan uitsien. Hier is ons handige kykgids.

Meer
Sien alle opsies