Menu terloops
In Wat om te kyk [26 Jul 2022]

Kyk nou: Lokprent vir ‘Ludik’, Netflix se eerste Afrikaanse reeks


Arnold Vosloo vertolk die hoofrol in ‘Ludik’. Ook in die rolverdeling is Diaan Lawrenson, Rob van Vuuren, Lizz Meiring en Lea Vivier.

Kyk nou: Lokprent vir ‘Ludik’, Netflix se eerste Afrikaanse reeks
Kyk lokprent

“Wat is die verskil tussen versoeking en geleentheid?” kom die vraag in die lokprent vir Ludik, Netflix se eerste Afrikaanse TV-reeks. “Geleentheid kom net een keer. Versoeking lê met sy vinger op die deurklokkie en lui aanhoudend,” kom die antwoord dan.

Versoeking blyk ene Daan Ludik, ’n ryk sakeman wat sy meubelmaatskappy as ’n front gebruik om diamante te smokkel, se achilleshiel – en potensiële ondergang – te wees. 

Oor die loop van ses episodes volg ons Ludik, vertolk deur die Suid-Afrikaanse en Hollywood-akteur Arnold Vosloo, se verhaal. Dis ’n reis van geweld en grusame gierigheid met ’n alewige bloedspoor wat die storie vorentoe dryf. As ’n lid van sy familie dan ontvoer word, word Ludik genoop om nie net diamante nie, maar ook wapens, oor die grens te smokkel.

Ook in die rolverdeling is die akteur en komediant Rob van Vuuren as Swys de Villiers. Uit die lokprent is dit duidelik dat Van Vuuren met dié karakter ver uit sy gemaksone gestoot is as ’n wewenaar op wat tot op die rand van waansin verkeer. Ook te sien is die bekende en geliefde Suid-Afrikaanse sterre Diaan Lawrenson, Lizz Meiring, en Terence Bridgette, asook Inge Beckmann en Sean Cameron Michael wat almal ’n integrale rol in die ontrafeling van Ludik se eens onaantasbare ryk speel.

Geskep deur Paul Buys en Annemarie van Basten. Die uitvoerende vervaardigers is Anele Mdoda, Paul Buys en Frankie Du Toit.

Die reeks is vanaf 26 Augustus op Netflix. 

Kyk solank dié aksiebelaaide reekse:

Kry Netflix met DStv

DStv-intekenare kan met die nuwe Explora Ultra toegang tot Netflix kry. Kry dit nou →

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies