Kaleidoscope (dit was eers Jigsaw genoem) se vertelling strek oor die duur van 25 jaar en volg ’n groep diewe se poging om by ’n oënskynlik onbreekbare kluis in te breek. In elke episode word slegs ’n stukkie van die legkaart onthul – daar’s korrupsie, hebsug, wraak, verraad… Wie kan vertrou word? Hoe is als beplan? Wie kom met die skelmstreke weg?
Die reeks is deels geïnspireer deur die werklike verhaal van $70 miljard dollar se effekte wat tydens orkaan Sandy in Manhattan vermis geraak het.
Die meesleurende anthology-reeks bestaan uit agt episodes wat strek van 24 jaar voor die rooftog tot ses maande daarna. Dit volg egter ’n nie-lineêre vertellingsaanslag. Kykers gaan dus elk ’n ander kykervaring hê met die episodes se volgorde wat van kyker tot kyker verskil. Só word intrige en spanning op ’n eiesoortige manier ontwikkel. Die slot-episode is egter vir almal dieselfde.
Kaleidoscope is vanaf 1 Januarie op Netflix.
Soortgelyk:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
