Julia is ’n fiktiewe vertelling van hoe die geliefde sjef Julia Child haar boek, Mastering The Art of French Cooking, in ’n TV-reeks omskep het. Dié reeks, The French Chef, sou uiteindelik vir tien jaar (1963-1973) uitgesaai word. Daarmee het sy ’n charismatiese kookpersoonlikheid geword. Soveel so, dat ’n mens haar eintlik die oorspronklike TV-sjef kan noem. Lank voor Nigella, lank voor Jamie Oliver, lank voor Gordon Ramsay, was daar dus Julia Child.
Die bekroonde Sarah Lancashire vertolk die rol van Julia met akteurs soos David Hyde Pierce (Frasier) en Bebe Neuwirth (Frasier, Cheers) ook in die rolverdeling.
Die reeks het ’n punt van 93% op die resensiewebwerf Rotten Tomatoes.
“Dit is ’n manjifieke storie, terselfdertyd vreugdevol en melancholies met ’n subtiele emosionele kompleksiteit,” lui Times UK se resensie.
Binge vanaf 24 Februarie op Showmax. Die bekroonde (gelyknamige) dokumentêr is ook vanaf 24 Februarie op Showmax beskikbaar om te stroom.
