Mumbai se voorste matchmaker, Sima Taparia, keer terug vir ’n tweede seisoen van een van die grootste TV-treffers van 2020, Indian Matchmaking.
In die tweede seisoen van dié wêreldwye TV-fenomeen, help Sima nog kliënte met hul soeke na liefde. En dis nie maklik nie. Die mense het fiemies en wenslyse wat wissel van “man-buns” en ’n “ovo-lakto-semi-vegetariese” dieet.
Terwyl sommige resensente dit as net die regte dosis soetsappig en cute beskou het – dit is immers vrygestel tydens die hoogtepunt van die pandemie in 2020 met miljarde mense wat tuis moes toevlug vind – is dit weer deur ander gekritiseer vir hoe dit die diskriminerende kaste-stelsel in Indië normaliseer.
Synde Indian Matchmaking een van Netflix se suksesvolste reekse nog is, is dit ’n gulde geleentheid vir leersame en konstruktiewe gesprekke. Hopelik is dié kritiek dus ter harte geneem.
Vanaf 10 Augustus op Netflix.
Soortgelyke reekse:
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
