Menu terloops

Halo

Op Showmax [Gepubliseer op 25 Mar 2022]


Die lang verwagte TV-weergawe van die eerstepersoon-videospeletjie, ‘Halo’, is nou op Showmax.

Kyk nou

Halo
Kyk lokprent

Hoewel jy dalk (lees: definitief) gaan sukkel om kop of stert van die TV-weergawe van Halo uit te maak as jy nie met die speletjie vertroud is nie, is daar wel ook verskille tussen die twee uittogte. Die belangrikste hiervan: die TV-weergawe het sy eie tydlyn. Dit staan dus los van die oorspronklike speletjie en al dié se suksesvolle spin-offs. So, hou moed! As dit jou eerste bekendstelling aan Master Chief en sy soldaatbende is, sal kophou – en uithou – wél vrugte werp.

Op die planeet Madrigal, ’n woestynwêreld in die grootse ruim, veg mense vir onafhanklikheid van die Aarde en die regerende United Nations Space Command (UNSC). Maar dan word die planeet en sy rebelle deur ’n uitheemse mag bekend as die Covenant binnegeval. Die UNSC se supersoldate, die Spartans, daag té laat op. Hoof van die Spartans, Master Chief, en sy troepe wis wel die drie meter lange moordende monsters uit… Maar nie vinnig genoeg nie. Daar is slegs een oorlewende: ’n tienermeisie, Kwan Ha (vertolk deur die 21-jarige Yerin Ha). Sy word egter gevangene geneem, pas nadat sy almal en alles verloor het.

Halo het ’n louwarm punt van 70% op die resensiewebwerf Rotten Tomatoes, maar die konsensus is nietemin hoopvol oor dié vertelling se toekoms.

Op Showmax vanaf 25 Maart 2022.

Lees André-Pierre du Plessis se resensie hier.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van mediese dramas

‘This Is Going To Hurt’ – die geloofwaardige mediese dramareeks wat ons nodig het

'This is Going to Hurt' is by tye soos ’n emmer koue water oor jou kop – tog, so hard en grusaam as wat dit kan wees, is dit ook eerlik, rou, en (genadiglik) snaaks.

Meer

Wat om te kyk op DStv in Augustus 2022

Wat om te kyk op DStv vandeesmaand: Die tweede seisoen van die lag-uit-jou-maak-uit heerlike komedie, 'Hacks'; die mag van vroue in 'Run the World'; en die geloofde dramareeks 'Gentleman Jack' se tweede uittog.

Meer

Wat om te kyk op Showmax in Augustus 2022

Wat om te kyk op Showmax vandeesmaand: Kim Engelbrecht in 'Reyka', die nuwe wetenskapfiksiereeks 'La Brea' en ’n waremisdaaddokkie wat jou jou eie geheue sal laat bevraagteken.

Meer

Wat om te kyk op Netflix in Augustus 2022

Wat om te kyk op Netflix vandeesmaand: Arnold Vosloo bult sy spiere in dié platform se eerste Afrikaanse reeks, 'Ludik'; jong liefde blom in 'Never Have I Ever'; 'Lock & Key' se storie sluit af met die derde en laaste seisoen.

Meer
Sien alle opsies