Menu terloops

Hacks S1-2

Op DStv en Showmax [Gepubliseer op 12 Aug 2022]


Die aktrise Jean Smart lewer ’n absolute briljante vertolking in ‘Hacks’. Die tweede seisoen is nou op DStv, terwyl die eerste seisoen reeds op Showmax is.

Kyk nou

Hacks S1-2
Kyk lokprent

In Hacks loop Deborah Vance (Jean Smart, Mare of Easttown) die gevaar om haar werk as komediant by ’n teater in Las Vegas te verloor. Intussen is ’n 25-jarige komedieskrywer in Los Angeles op soek na werk. Dit lyk of hulle elkeen kan doen met die ander se hulp, maar Deborah is skepties oor die jong skrywer.

Hul werksverhouding begin met ’n onkonvensionele reis waar Deborah kyk of Ava (Hannah Einbinder) alles sal doen wat sy vra. As sy haar daarmee kan vertrou, kan sy haar seker vertrou om vir haar nuwe materiaal te skryf?

Rozanne Els skryf: “Dis haas onmoontlik om nie Hacks te geniet nie. Die skryfwerk en storielyn is bytend slim en snaaks. Die vertelling word boonop met briljante spel deur Smart en Einbinder verhef. Die eerste seisoen is vir ’n allemintige 15 Emmy-toekennings benoem, met Smart wat onder andere vir haar karakterwerk as ’n legendariese Las Vegas-komediant gewen het. In die tweede seisoen ontwikkel die komplekse verhouding tussen Deborah en Ava verder as hulle Deborah se nuwe stand-up show op toer neem.” 

The Atlantic het geskryf: “Hacks is uitstekend in die manier waarop dit kyk na dekades se komedie op TV.”

Weeklikse episodes vanaf Vrydag, 12 Augustus, om 22:30 op M-Net (DStv-kanaal 101), DStv Online en Catch Up.  Die eerste seisoen is op Showmax beskikbaar.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

As jy hou van misdaadreekse
15

15+ van die beste spanningsbelaaide polisiereekse om nou te kyk

Wat om te kyk: Daar is heelwat ander meesleurende polisie- en misdaadreekse om te stroom – hier is ons keur van die huidige bestes.

Meer

Redakteurskeuse vir Mei 2024: Vonke spat in ‘Bridgerton’ S3, ‘Juffrou X’ boei, en nog

Wat om te kyk: Die nuwe seisoen van ‘Bridgerton’, kykNET se moet-kyk dramareeks ‘Juffrou X’ en nog twee boeke wat in TV-reekse omskep is, ‘Dark Matter’ en ‘Maxton Hall’, tel onder my keur van TV-vermaak vir vandeesmaand se redakteurskeuse.

Meer

‘Wyfie’: Jou kykgids vir Mei 2024

Amanda se troebel verlede kom onder die loep, terwyl Kyla dalk ’n bietjie te hard kuier. Hier is wat jy vandeesmaand op die Afrikaanse universiteitsdrama, 'Wyfie', kan verwag.

Meer

Jou ‘Arendsvlei’-gids vir Mei 2024

Die Vlei se mense kry hartseer nuus, verhoudings neem nuwe draaie, en Desmond sal moet pasop vir Audrey – 'Arendsvlei'-kykers kan na dít en nog meer in Mei uitsien. Hier is ons handige kykgids.

Meer
Sien alle opsies