Elders is een van die lekkerste reisreekse op televisie. Maar met Elders is die bestemming slegs die beginpunt – wie en wat die skrywer en storieverteller Erns Grundling daar vind, is die vleis waaraan kykers smul.
In die sesde seisoen, Elders: Frankryk, gee Erns dan ’n voorskou op vanjaar se groot Rugbywêreldbekertoernooi se gasheerland. Die span gesels ook met Suid-Afrikaners wat in Frankryk woon – insluitend ’n klompie rugbyspelers.
Vanjaar se reeks verskil van verlede jaar se Elders (op Showmax beskikbaar) toe Erns die Pelgrimstog van Hoop se Tuinroete tussen Uniondale en Mosselbaai gestap het. Hoewel Erns in vyf episodes van Elders: Frankryk die Via Podiensis Camino-roete stap, en ook in ander episodes die Le Chemin de Nietzsche stap en gedeeltelik die spore van die Franse Hugenote volg, reis hy ook met ’n Toyota-voertuig tussen dorpe en stede. Die reeks het dus ’n sterk leefstylfokus juis omdat die Franse kos en kultuur so baie bied.
Kyk die vorige Elders-seisoene op Showmax.
Vanaf Maandag, 3 Julie 2023, om 20:00 op kykNET (DStv-kanaal 144, ook aanlyn). Ook op Catch Up.
