East New York volg die onlangs bevorderde polisiekaptein, Regina Haywood, wat ’n diverse groep beamptes en speurders moet lei. Maar daar is diegene wat aanvanklik huiwerig is om haar “kreatiewe” metodes van dienslewering en beskerming te ontplooi…
Amanda Warren (NCIS: New Orleans) vertolk die rol van Haywood, met onder andere Jimmy Smits, ’n veteraan van TV-polisiereekse soos NYPD Blue, Ruben Santiago-Hudson (Castle), Kevin Rankin (Breaking Bad) en Elizabeth Rodriguez (Orange is the New Black) ook in die rolverdeling.
East New York het ’n punt van 88% op die resensiewebwerf Rotten Tomatoes met Variety wat meen dié reeks “slaan ’n nuwe koers vir polisiedramas” op televisie in.
Weeklikse episodes vanaf Maandag, 20 Februarie, op Showmax beskikbaar.
