DMZ is ’n distopiese mini-reeks met slegs vier episodes. Die reeks is deur Roberto Patino (’n skrywer en uitvoerende vervaardiger op Westworld se eerste twee seisoene) vir HBO geskep.
Midde die chaos van die burgeroorlog, soek die medikus Alma Ortego (Rosario Dawson) na haar verlore seun. Dít terwyl haar eks-liefde, Parco (Benjamin Bratt), beheer van die boonste deel van Manhattan as leier van die Spaanse Harlem Kings-bende neem.
Die reeks het nie baie aanhang onder kritici (of kykers) op die resensiewebwerf Rotten Tomatoes nie. Dit het ’n punt van slegs 54%. Dít dan ten spyte van die groot name wat by die reeks betrokke is, soos die bekroonde Ava DuVernay. Selfs Dawson en Bratt se toneelspel, wat wyd geloof is, kan nie die reeks red nie.
Kyk weeklikse episodes van DMZ vanaf Vrydag, 19 Augustus, om 19:30 op M-Net (DStv-kanaal 101), DStv Online en Catch Up.
