Hier is ’n voorsmakie van wat jy hierdie maand in Diepe Waters kan verwag.
Maandag, 1 Julie
Gys is desperaat om Charity terug in die swembad te kry. Jacques voel al hoe meer soos ’n derde wiel met Theresa en André. Henry probeer vrede met Tshepo maak.
Dinsdag, 2 Julie
Jacques konfronteer moeilike gevoelens rakende sy vriendskap met Theresa. Arno reik na Karla uit. Charity se loopbaan staan voor ’n onmoontlike kruispad.
Woensdag 3 Julie
Ben waarsku vir Sanet om uit Karla en Chris se vriendskap te bly. Jacques raak meer desperaat soos André en Theresa nader aan mekaar beweeg.
Donderdag, 4 Julie
Karla maak dit duidelik aan Arno waar hulle met mekaar staan. Jacques maak ’n sprong met Theresa. Cloete maak seker Michelle is nie meer ’n probleem nie.
Maandag, 8 Julie
Dit gons in Boskruin oor die skokkende gebeure in die parkie. Sanet besluit om Jacques en Theresa se verhouding aan te help. Nina ontvang goeie nuus.
Dinsdag, 9 Julie
Karla is opgewonde oor haar eerste rehabilitasiesessie. Tommie en Henry bou die moed op om ’n moeilike gesprek met Lettie te voer.
Woensdag, 10 Julie
André is woedend vir Jacques. Gys ontvang skokkende nuus oor Zelda en die Besigheidsraad. Karla wonder oor ’n toekoms met Chris.
Donderdag, 11 Julie
Tshepo het ’n guns om Lettie te vra. Rose voel oorweldig deur die groot trek. Chris vermy vir Karla. Gys ontvang ’n belangrike telefoonoproep.
Maandag, 15 Julie
Pam probeer inkriminerende inligting oor Zelda kry. Chris en Karla se vriendskap skeur verder uitmekaar. Dolf en Engela is besig met iets onheilig.
Dinsdag, 16 Julie
Jacques kry hulp van ’n onverwagte persoon. Karla vertel vir Sanet oor Chris. Daar is ’n moontlike geleentheid vir Gys.
Woensdag, 17 Julie
Sanet en Ben verwelkom ’n nuwe gesig in die gemeenskap. Gys ontvang nuus, en Lettie se nuwe kelner weet net hoe om ekstra geld in te bring.
Donderdag, 18 Julie
Jacques kry snuf in die neus oor Sandra se sorgfasiliteit. Chris maak ’n romantiese afspraak, en Sanet se nuwe vriendin maak ’n oorlas van haarself.
Maandag, 22 Julie
Jacques kry ’n onaangename besoek van ’n maatskaplike werker. Leticia gee vir Ben baie aandag en Sanet hou nie daarvan nie.
Dinsdag, 23 Julie
Theresa en Jacques is op ’n desperate soektog om mevrou Olivier op te spoor. Leticia se vriendelike houding maak Sanet agterdogtig.
Woensdag, 24 Julie
Engela en Dolf maak planne om van die bedreiging wat Jacques vir hulle inhou ontslae te raak. Brian verras vir Chris. Leticia maak ’n plan om meer tyd saam met Ben te spandeer.
Donderdag, 25 Julie
Sanet praat met Ben oor Leticia. Chris wonder of nou die regte tyd is om die nuus aan Ben te breek. Jacques is keelvol van niks doen nie.
Maandag, 29 Julie
Jacques neem ’n waaghalsige besluit, en Sanet raak ongemaklik oor Leticia se teenwoordigheid. Gaan Ben Chris se besluit aanvaar?
Dinsdag, 30 Julie
Sanet en Ben se verhouding is onder druk. Karla se hart word gebreek. Jacques is bekommerd oor Sandra se welstand.
Woensdag, 31 Julie
Charity se Olimpiese-resies vind plaas. Sanet beraam ’n plan oor haar penarie met Leticia. Jacques word gerusgestel.
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Dit is ook op Catch Up beskikbaar.
