Die nuwe oes boere vir die volgende seisoen van die maatsoekreeks Boer soek ’n vrou is pas aangekondig. Maar voordat jy spring om ’n liefdesbrief vir een van die tien boere te skryf, kyk eers die kat mooi uit die boom… Daarvoor het Terloops ’n fotogalery van die boere saamgestel om jou te help kies in wie se oë jy die graagste sal wil kyk.
Vanaf Maandag deel ons ook die boere se profiele om só die lot een vir een beter te leer ken.
Die nuwe seisoen van Boer soek ’n vrou sal van Augustus 2026 op kykNET uitgesaai word. Die reeks sal, soos altyd, fokus op die vyf boere wat die meeste briewe ontvang het.
Arno (28) van Tzaneen, Limpopo is ’n bosbouboer wat ’n vroulike pasmaat soek.
David (43) van Vierfontein, Vrystaat werk by ’n gemengde boerdery en soek ’n vroulike pasmaat.
Francois (34) van Hoedspruit, Mpumalanga is ’n natuurbewaarder en soek ’n vroulike pasmaat.
Jack (30) van Hermanus, Wes-Kaap is ’n appel- en peerboer en soek ’n vroulike pasmaat.
Jacques (32) van Nelspruit, Mpumalanga is ’n akadamianeutboer en soek ’n vroulike pasmaat.
JD (28) van Reitz, Vrystaat werk by ’n gemengde boerdery en soek ’n vroulike pasmaat.
Junior (35) van Bethlehem, Vrystaat werk by ’n gemengde boerdery en soek ’n vroulike pasmaat.
Leandi (36) van Ventersdorp, Noordwes is ’n beesboer en soek ’n manlike pasmaat.
Luan (26) van Strydenburg, Noord-Kaap is ’n skaapboer en soek ’n vroulike pasmaat.
Willie (37) van Harrismith, Vrystaat is ’n bees- en mielieboer en soek ’n vroulike pasmaat.
Die 17de seisoen van Boer soek ’n vrou is vir nog ’n wyle op DStv Catch Up beskikbaar. Kyk ook die vorige seisoene op Showmax.
