A Discovery of Witches is gegrond op die skrywer Deborah Harkness se All Souls-trilogie.
Die reeks se derde, en laaste, seisoen, is nou op Showmax beskikbaar.
ʼn Historikus (en teësinnige heks) Dianna Bishop (vertolk deur Teresa Palmer) ontdek ʼn betowerde manuskrip in Oxford se Bodleaian-biblioteek. Ten spyte van die oeroue wantroue tussen hekse en vampiere, moet sy met die charismatiese vampier en genetikus, Matthew Clairmont (Matthew Goode) kragte saamspan.
Palmer en Goode het onteenseglike chemistry. Daarmee saam sorg ʼn spul interessante karakters vir avontuur en romanse wat teen ʼn vinnige pas ontvou.
Die eerste seisoen speel af in moderne Oxford. In die tweede seisoen reis die twee geliefdes deur tyd, terug na Elizabethaanse-Londen. Die derde seisoen begin sommer met tragedie as Dianna en Matthew uit die verlede na die hede terugkeer.
Kyk al drie seisoene van A Discovery of Witches op Showmax.
