Menu terloops
In Lysie-lysie [26 Oct 2023]

10 redes hoekom jy ‘Die brug’ móét kyk


‘Die brug’, die plaaslike weergawe van die internasionale trefferreeks ‘The Bridge’ sien hoe 12 vreemdelinge met kaal hande, baie sweet en swoeg en onder uitmergelende emosionele omstandighede vir R1 miljoen meeding.

Stroom aanlyn

10 redes hoekom jy ‘Die brug’ móét kyk
Kyk lokprent

In die loodsepisode van kykNET se splinternuwe realiteitsreeks, Die brug – ’n plaaslike weergawe van ’n die internasionale treffer The Bridge – ontmoet kykers 12 vreemdelinge aan die begin van ’n lewensveranderende avontuur. Nie een van die spelers het ’n idee waarvoor hulle hulself ingelaat het nie, en kykers kry ’n eerstehandse blik op die ervarings van die verbaasde spelers wanneer hulle uitvind.

Hier is 10 redes hoekom jy nie Die brug moet misloop nie:

1

Die spelers! 

Twaalf uiteenlopende persoonlikhede tussen die ouderdomme van 24 tot 57 is vir die reeks gekies. Elkeen het ’n storie om te vertel en ’n persoonlike brug om oor te steek. Verwag hartroerende oomblikke wanneer hierdie ware lewensdramas voor jou oë ontvou.

2

Vertroue

Ja, die uitgangspunt van die reeks is dat die spelers ’n brug binne 20 dae met hul kaal hande bou. Maar die reeks handel eintlik oor vertroue. Gaan die spelers stewige verhoudings met mekaar bou? En gaan die keuse oor wie oor die brug stap gegrond wees op vriendskap, of op wie hulle vertrou om die regte besluit te neem?

3

Gemeenskap

Dis inspirerend om te sien hoe 12 vreemdelinge bymekaar kom om ’n mikro-gemeenskap te vorm, en ’n amperse onbegonne taak as ’n span moet verrig.

4

Kinkels en onverwagse wendings

Wat is ’n realiteitsreeks sonder epiese uitdagings om dinge omver te gooi? Die brug het dit in spades! Wanneer daardie fakkel die lug invaar, moet jy gereed sit vir drama, spanning en aksie.

5

Leierskap

In die loodsepisode moet ’n leier gekies word. Maar hoe kies ’n groep vreemdelinge, wat mekaar pas ontmoet het, ’n leier? Met groot mag, kom groot verantwoordelikheid…

6

Drama

Sit ’n groep vreemdelinge in ’n afgeleë gebied waar hulle net op mekaar aangewese is en wat gaan jy beslis kry, sonder twyfel? Konflik! Uiteenlopende persoonlikhede, werksetiek en radikaal verskillende opinies – die bou van die brug is slegs ’n katalisator vir veel meer wat op kykers wag.

7

Geld laat die wêreld draai 

Hoe gaan die versoeking van R1 miljoen die spelers en hul morele kompas beïnvloed? Is hulle hier om net strategies vir eie gewin te speel? Of gaan die verhoudings wat hul tydens die reeks bou ’n impak op hul besluit maak?

8

Trots Suid-Afrikaans

Die plaaslike weergawe van hierdie gewilde internasionale formaat is noukeurig vervaardig om kykers ’n outentieke Suid-Afrikaanse gevoel te gee.

9

Nog ’n karakter

Die pragtige Swellendam-omgewing rondom die Buffeljagsdam was ideaal om die program meer as net ’n realiteitsreeks te maak en aan kykers ’n visuele skouspel van rolprentgehalte te bied. Die ongerepte omgewing is ook ’n karakter in die reeks. Wanneer die weer lekker saamgespeel het, was dit ’n vriendelike karakter. Maar ander kere was dit senutergend, broeiend, onheilspellend of vyandig.

10

Spanning gaan oorloop

…Wat meer het jy nodig?


Die brug saai Donderdagaande uit om 20:00 op kykNET (DStv-kanaal 144 en DStv Stream). Die reeks is ook op Catch Up beskikbaar. Ons resensent, Bouwer Bridges, se recaps word direk ná elke nuwe episode omstreeks 21:00 gepubliseer.

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies