Menu terloops

Am I Being Unreasonable? S1

Op Ander [Gepubliseer op 6 Jul 2023]


‘The Telegraph’ gee dié komedieriller vyf sterre en skryf: “Am I Being Unreasonable? is miskien die mees eiesoortige reeks wat jy die hele jaar gaan sien, so gordel jouself vas en geniet die wilde rit.” 

Am I Being Unreasonable? S1
Kyk lokprent

Die reeks draai veral om temas van obsessiewe vriendskap en paranoia tussen twee vroue, en wys – met vlymskerp humor – hoe vinnig ’n lewe kan verander. Of selfs ontrafel. 

Am I Being Unreasonable? is geskep en geskryf deur die real-life besties Selin Hizli (Appropriate Adult en Grantchester) en Daisy May Cooper (BAFTA-wenner vir This Country).

Cooper vertolk die rol van Nic, ’n voorstedelike ma wat in ’n groef vasgevang is. Sy is keelvol vir die oppervlakkige gesprekke met haar skoonmaker, Viv, en voel vasgekeer in haar huwelik (en slegte seks) met haar man, Don. Sy is lief vir haar seun, Ollie, maar, helaas, sy soek meer uit die lewe.

Toe raak haar kat boonop weg. Dan daag ’n sielsgenoot op in Jen (Hizli). Maar Jen laat ook Nic se donkerste geheime na die oppervlak dobber…

The Telegraph gee dié komedieriller vyf sterre en skryf: “Am I Being Unreasonable? is miskien die mees eiesoortige reeks wat jy die hele jaar gaan sien, so gordel jouself vas en geniet die wilde rit.” 

The Guardian beskryf Daisy May Cooper as “absurd briljant” en Independent sê beide se uitbeelding van hul karakters is foutloos.

Am I Being Unreasonable? bestaan uit ses aflewerings en is eksklusief op BritBox beskikbaar.


Vanaf Donderdag 6 Julie 2023 op BritBox beskikbaar om te stroom. 

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies