Menu terloops
In Wat om te kyk [27 Oct 2022]

Lokprent: In ‘Donkerbos’ draai die duiwel rond


KYK NOU: Showmax het pas die eerste lokprent vir ‘Donkerbos’, ’n onheilspellende Showmax Original-rillerreeks deur die skrywer-regisseur Nico Scheepers, vrygestel.

Lokprent: In ‘Donkerbos’ draai die duiwel rond
Kyk lokprent

Donkerbos is deur Nagvlug Films (Skemerdans, Barakat) vervaardig en die eerste episode word op 29 November op Showmax vrygestel. Daarna sal nuwe episodes weekliks op Dinsdae beskikbaar wees om te stroom.

Scheepers is ook vir sy magiese werk op Nêrens, Noord-Kaap bekend.

Donkerbos draai om ’n senutergende moordraaisel wat begin met die ontdekking van die liggame van ses kinders in ’n verlate woud in die klein dorpie van Donkerbos in Limpopo. Erica Wessels (van Dwaalster en I Am All Girls) vertolk die hoofrol. Sy speel Fanie van Wyk, ’n speurder wat drie jaar tevore onder ’n donker wolk uit Pretoria ná ’n rampspoedige ondersoek gevlug het. Nou moet sy dié haglike saak probeer ontsyfer.

Die sterbelaaide rolverdeling sluit ook in die bekroonde veteraanaktrise Thoko Ntshinga (Egoli: Plek van Goud, The River), Sanda Shandu (Skemerdans), Nicole Holm (Fynskrif), Stian Bam (Die Storie van Racheltjie de Beer), Jacques Bessenger (Fynskrif, Warrior), Aphiwe Sithole (Poppie Nongena), Carel Nel (Gaia), Rolanda Marais (Trackers), Wilhelm van der Walt (Fynskrif), Leandie Du Randt (Vuil Wasgoed), Nicola Hanekom (Faan se Trein), Caleb Payne (Good Life), asook Edwin van der Walt (Wonderlus).

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

kykNET se nuwe mini-dramareeks is ’n verhaal van verlies, vergifnis en hoop

Twee mans se paaie kruis in ’n ondersteuningsgroep ná die verlies van geliefdes. kykNET se 'Elke donker wolk' verken hoe ’n onverwagse vriendskap ruimte skep vir vergifnis, genesing en hoop.

Meer

Rubriek: Gaan griffel in Ouma se resepteboek! ‘Kokkedoor: Klassiek’ is terug! 

Ná ’n voorskou van die eerste episode laat 'Kokkedoor: Klassiek' vir Marteni Burger verlang na haar ouma se resepte én sien sy uit na nog skeppies nostalgie - met ’n knippie kombuisdrama en verrassende kinkels daarby.

Meer

Van die veld tot die kelder – kuier dié November saam met VIA

Van wildplase en wynkelders tot huise met karakter: VIA se November-aanbod beloof vars ontdekkings. Kuier saam met Shari Kennedy, Leandie du Randt, Frank Rautenbach en JP Quickelberge, en leer ken die mense, stories en plekke wat Suid-Afrika so besonders maak.

Meer

Chanél Muller oor ‘Sy, die meeue en die Heilige Gees’

"Enige persoon se geloofsreis is ’n baie persoonlike reis, en dit gebeur alles baie innerlik", sê Chanel Muller, die skrywer, regisseur en vervaardiger van die kykNET-reeks 'Sy, die meeue en die Heilige Gees'.

Meer
Sien alle opsies