Hier is ’n voorsmakie van wat jy volgende in Diepe Waters kan verwag.
Maandag 3 Augustus 2026
Sanet verklaar oorlog teen Juvan. Karla keer depressief terug. Zelda slaak ’n sug van verligting… vir nou.
Dinsdag 4 Augustus 2026
Corrie raak al meer agterdogtig oor Zelda se motiewe. Jacques en Theresa neem ’n besluit na die bakleiery oor hulle troue. Karla voel verneder na haar eerste dag terug by die klub.
Woensdag 5 Augustus 2026
Zelda wonder of sy vir Frans die waarheid moet vertel. Karla maak seker haar fokus bly op die volgende medalje. Jacques besef hy het ’n probleem met die nuutse trouplanne.
Donderdag 6 Augustus 2026
Dit is Nella en Abel se begrafnis, maar Corrie en is steeds krapperig. Jacques weerhou Theresa van belangrike trouplanne. Balbo weeg Karla en Nina teen mekaar op.
Maandag 10 Augustus 2026
Theresa kry ’n skokkende geskenk. Karla en Nina se vriendskap word bedreig. Zelda dink Frans is veilig, maar iemand hou hom dop.
Dinsdag 11 Augustus 2026
Cloete maak ’n plan om meer tyd saam met Frans te spandeer. Karla neem ’n impulsiewe besluit wat Pam ontstel.
Woensdag 12 Augustus 2026
Jacques is bekommerd oor die vloek, Karla is ontsteld oor Nina en Zelda sukkel met Frans.
Donderdag 13 Augustus 2026
Frans raak moedeloos omdat hy so stadig vordering maak. Karla se verhoudings met Arno en Nina bly stram. Katinka, Jacques en Theresa redeneer hoe om ’n probleem op te los.
Maandag 17 Augustus 2026
Zelda hoor van Frans se nuwe vriend en is nuuskierig. Arno is eerlik met Karla oor sy drome vir hulle toekoms. Rossouw span al die manne bymekaar om Jacques se rampartytjie te reël.
Dinsdag 18 Augustus 2026
Zelda raak al hoe meer agterdogtig oor Frans se geheimsinnige besoeker. Karla se selfvertroue wankel ná nog ’n terugslag. Theresa en Jacques vier hul laaste oomblikke as ongetroudes.
Woensdag 19 Augustus 2026
Frans gaan agteruit en Zelda probeer sin daarvan maak. Karla en Arno bots hewig. Iemand onverwags red Jacques se dag.
Donderdag 20 Augustus 2026
Karla en Arno kan nie tot ’n vergelyk oor kinders kom nie. Cloete maak ’n slinkse plan om tyd met Frans te spandeer. Jacques en Theresa se groot dag het aangebreek.
Maandag 24 Augustus 2026
Karla en Arno bly argumenteer. Rossouw is hoogs geïrriteerd. Zelda neem beheer van Frans se sorg, maar is onseker hoe om hom te beskerm.
Dinsdag 25 Augustus 2026
Sanet is bekommerd oor Karla en Arno se huwelik. Zelda is senuweeagtig as Frans al meer onthou. Katinka waarsku vir Fouché om nie met Karla deurmekaar te raak nie.
Woensdag 26 Augustus 2026
Fouché maak vir Karla ’n aanbod wat haar onkant vang. Rossouw vind sy vreugde. Zelda ontmoet Cloete, maar dit eindig tragies.
Donderdag 27 Augustus 2026
Slegte nuus word oorgedra. Mense bespiegel oor die bohaai rondom Skinvestment. Rossouw neem die Viljoens na ’n tangoklas. Arno konfronteer vir Karla.
Maandag 31 Augustus 2026
Karla soek ontsnapping waar sy nie moet nie. ’n Gebroke persoon sien geen uitweg nie, maar kry leiding van ’n geliefde.
Kyk Diepe Waters Maandae tot Donderdae om 18:30 op kykNET (DStv-kanaal 144, ook aanlyn op DStv Stream). Dit is ook op Catch Up beskikbaar.
