Menu terloops
In Wat om te kyk [14 Jul 2022]

Woordfees het wéér eie opwip-kanaal: Dís hoe jy kan kyk


Die Woordfees TV-fees word vanaf 15 tot 28 Julie op DStv-kanaal 150 (ook op DStv Online), en in Namibië op GOtv-kanaal 27, uitgesaai.

Kyk nou

Woordfees het wéér eie opwip-kanaal: Dís hoe jy kan kyk
Kyk lokprent

Die Toyota US Woordfees vind vanjaar nogmaals dwarsoor Suid-Afrika en Namibië plaas – eksklusief op DStv. Die Woordfees TV-fees sal vanaf 15 tot 28 Julie op DStv-kanaal 150 (ook op DStv Online), en in Namibië ook op GOtv-kanaal 28, op die lug wees.

Alle Suid-Afrikaanse DStv-intekenaars met ’n Premium-, Compact Plus-, Compact- of Family-pakket sal toegang tot dié opwipkanaal hê. In Namibië word die Family-pakket egter uitgesluit.

Dit is die tweede keer wat die Woordfees só aangebied word. Volgens Saartjie Botha, direkteur van die fees, skep dié opwip-kanaal ’n ruimte om die kunste te stimuleer terwyl dit ook toegang tot die kunste verbeter.  

Wat is op die program? 

Die programinhoud sluit ’n wye verskeidenheid van genres in wat topplaaslike talent ten toon stel: teater, skrywers en boeke, dans, leefstyl, stand-up-komedie, kontemporêre en klassieke musiek, film, diskoers en visuele kuns. Die program het ’n sterk fokus op gehalteboeke, -teater, -musiek en -film in Afrikaans. Vanjaar sluit die program ook besprekings oor landboukwessies in. ’n Keur van die gewildste 2021 Woordfees TV-programme sal buite spitskyktye uitgesaai word. Nuwe programme wat spesiaal vir die 2022 TV-fees vervaardig is, sal ook op DStv Catch Up beskikbaar wees.

Onder die hoogtepunte sluit in:

  • 18 nuwe boekgesprekke op die program, onder meer oor Dol heuning met SJ Naudé.
  • Die Woordfees TV-teaterreeks sluit in: Proscenium: Toutjies & Ferreira, Krismis van Map Jacobs en Die Naaimasjien.
  • Die Toyota Groot Vyf-konsertreeks bied ’n groot verskeidenheid – van die Afrika-blues tot die klassieke kabaretkuns van Jacques Brel en Edith Piaf. Dit sluit in Al om Antjie en Saluut, Theuns Jordaan.
  • ’n Verskeidenheid klassieke musiekkonserte, insluitend: Universiteitskoor Stellenbosch University Choir 2022, Huldeblyk aan Stephenson en Rajna, en Zorada in Orrelstemmingh.

Kliek hier vir die volledige skedule en hier vir meer inligting oor die programinhoud.

Hoe kyk ek Woordfees TV?

Stroom dit op DStv Online, of kyk deur jou dekodeerder.

Woordfees 2022
Woordfees 2022
Woordfees 2022

Wat, waar en wanneer?

Ons kies en keur die beste plaaslike en internasionale sepies, reeks en flieks om nou op Showmax, DStv en Netflix te kyk.

Sien ook Meer

Jy sal hou van:

Wat om te kyk: ‘The Whale’, ‘No Hard Feelings’, ‘Lover, Stalker, Killer’ (ril!) en meer

Dié week se TV-gids sluit in een van die snaakste flieks van 2023, ’n ware misdaaddokkie wat jou twee keer gaan laat dink oor online dating en Brendan Fraser se Oscar-bekroonde vertolking in 'The Whale'. Lees verder vir ons keur van vandeesweek se beste keuses, aanlyn en op TV.

Meer

‘Op my eish!’ met Brendan Peyper: 9 goed wat jy ná episode 4 se wilde ompad moet weet

Ai, ná verlede week se warm soen, het ons gedink die sanger Brendan Peyper gaan vandeesweek groot moves maak. Helaas, dit was eerder sy ouma wat wat toe met "vars bloed" in die vroue se slaai kom krap het...

Meer

Redakteurskeuse vir Februarie 2024: Mode, manewales, en Messi

Wat om te kyk: ’n Besonderse dokkie oor die legendariese sokkerenigma, Lionel Messi; ’n reeks oor hoe moderne mode tydens die Tweede Wêreldoorlog gestalte gevind het; en die nuwe Showmax se propvol kykspyskaart wat ikoniese reekse soos ‘The Office’ en ‘Parks & Recreation’ insluit – hier is ons keur van TV-vermaak vir vandeesmaand se redakteurskeuse.

Meer

Wat om te kyk: Reeksmoordenaars, rugby en roerende drama

Wat om te kyk: 'Donkerbos' is uiteindelik ook beskikbaar vir DStv-kykers; skouspelagtige rugby én agter-die-skerms-drama in ’n Sesnasies-dokkie; M-Net se nuwe gesinsdrama, 'Summertide', première, en ’n epiese oorlogsdrama wag in Steven Spielberg se 'Masters of the Air'. Lees verder vir ons keur van vandeesweek se beste keuses, aanlyn en op TV.

Meer
Sien alle opsies