Wesens (2020) is ’n senutergende rit as een van Suid-Afrika se enigste found-footage produksies.
As ’n vreemde vlieende voorwerp in 1967 in die middel van die Karoo se nêrens beland, stel vier lede van die Suid-Afrikaanse intelligensiedienste ondersoek in. Soos die agente die raaiselagtige verskynsel ondersoek, neem een van hulle koers in op ’n persoonlike ontdekkingsreis wat tot lewensveranderende gevolge lei.
Wesens is enig in sy soort in die Suid-Afrikaanse rolprent-landskap – met ’n kombinasie van arthouse en found footage kinematografie, is die visuele impak iets besonders. Die fliekresensent Leon van Nierop het dit as een van sy topflieks van 2020 bestempel. “Wesens is soos niks wat jy nog in Afrikaans gesien het nie.”
