Die karakter Wednesday Addams het so eie met die aktrise Christina Ricci se vertolking in die 1991-fliek, The Addams Family, geraak, dat dit moeilik is om enige ander aktrise as die weirdly wonderful witchy kreatier te verbeel. Wie anders sou die slim, sarkastiese suurknol met geniale egtheid kan vertolk?
Sowat 30 jaar ná die vrystelling van die oorspronklike fliek, bied ’n nuwe Netflix-reeks ’n amperse eerbetoon aan die karakter. Só dan ook aan die aktrise wat haar destyds in die lewe geroep het.
Wednesday draai om die einste karakter met haar donker hare, haar groot, sielvolle/siellose oë (it could go either way), en haar ewige aardige familie. Maar nou staan Jenny Ortega in die rol. Ortega sal jy dalk onthou as die kind-weergawe van Jane in die CW-reeks Jane the Virgin.
Die reeks speel af tydens Wednesday se tyd aan Nevermore Academy. Terwyl sy haar ontluikende psigiese vermoëns probeer bemeester, poog sy ook om ’n rits moorde te stuit én die bonatuurlike raaisel oplos waarin haar ouers al vir 25 jaar gewikkel is.
Catherine Zeta-Jones staan die skoene van die oorspronklike Morticia Addams – Angelica Huston – oortuigend vol. Ricci is ook terug – die keer as Marilyn Thornhill. Luis Guzmán speel Gomez Addams en Isaac Ordonez vertolk Pugsley Addams. Ook in die (baie, baie groot) rolverdeling is Game of Thrones se Gwendoline Christie.
Vanaf 23 November op Netflix.
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
