Mixtape
Op die vooraand van Y2k (onthou julle dit nog?!) ontdek die wees en ongemaklike 12-jarige Beverly Moody (Gemma Brooke Allen) ’n stukkende mixtape wat deur haar tienerouers gemaak is. Beverly word deur haar ouma, Gail (Modern Family se Julie Bowen), grootgemaak, wat dit moeilik vind om oor haar oorlede dogter te praat. Vir Beverly is die mixtape dus ’n kans om meer oor haar ouers te leer. Sy besluit om die liedjies te vind en maak vriende met haar eienaardige buurvrou, Ellen (Audrey Hsieh), die intimiderende en taai Nicky (Olga Petsa), asook Anti (Nick Thune), ’n anti-alles eienaar van ’n musiekwinkel.
Natuurlik lei dit ook tot ’n sterker band tussen Beverly en haar ouma. Ja, ja, clichè, maar ’n mens het iets moois nodig aan die einde van nog ’n pandemie-jaar.
Vanaf 3 Desember.
The Hand of God
Die Oscar-bekroonde skrywer en regisseur Paolo Sorrentino (Il Divo, The Great Beauty, The Young Pope) vertel die verhaal van ’n seun, Fabietto Schisa, wat in die onstuimige Napels van die 1980’s afspeel.
The Hand of God is ’n storie vol onverwagte vreugdes, soos die koms van die sokkerlegende Diego Maradona, en ’n ewe onverwagte tragedie.
Die noodlot speel sy rol, vreugde en tragedie vervleg, en die saadjies vir Fabietto se toekoms word gesaai.
Die fliek is ook Italië se amptelike inskrywing vir 2022 se Oscars in die beste internasionale rolprent-kategorie.
Die Globe and Mail se resensent skryf: “The Hand of God is ’n wyd uitgestrekte, pragtige gemors, maar een waarvan jy nie kan wegkyk nie – en dit kan dalk net jou hart breek.”
Vanaf 15 Desember.
The Witcher S2
Met die afskop van die tweede seisoen is Geralt oortuig daarvan dat Yennefer in die Slag van Sodden dood is en besluit om vir prinses Cirilla na sy kinderhuis, Kaer Morhen, te neem om haar veilig te hou.
Terwyl die vasteland se konings, elwe, mense en demone streef na oppergesag buite Kaer Morhen se mure, moet hy die meisie teen iets baie gevaarliker beskerm: haarself.
Vanaf 17 Desember.
Emily in Paris S2
Hoewel sy nou meer gemaklik in haar vel in Parys is en so ’n bietjie beter die stad kan navigeer, sukkel Emily (Lily Collins) steeds met die eienaardighede van die Franse lewe.
Nadat sy in ’n liefdesdriehoek met haar buurvrou en haar eerste regte Franse vriendin beland het, is Emily vasbeslote om op haar werk te fokus – wat by die dag meer ingewikkeld raak.
Hoewel die reeks nie wat wonders is nie (lees: dis eintlik nogal swak) was dit Netflix se gewildste komediereeks van 2020. ’n Mens kan maar net die pandemie blameer vir kykers se laer standaarde, maar die feit dat dit ’n reeks vol mooi-mooi-mooi mense is, en boonop ook in Parys afspeel, vergoed darem vir ’n substandaard storielyn en vrot toneelspel.
Vanaf 22 Desember.
Queer Eye S6
Die Emmy-bekroonde werklikheidsreeks Queer Eye keer terug na die kassie om weer met ’n bietjie TLC hier en ’n haarsny daar mense se lewens handomkeer te verander.
In die nuwe seisoen reis die reeks se Karamo Brown, Jonathan Van Ness, Antoni Porowski, Bobby Berk en Tan France na Austin, Texas, óftewel cowboy-land.
Vanaf 31 Desember.
Nog hoogtepunte:
1 Desember
- Lost in Space S3
- The Power of the Dog
- The Cleanse
- Border Town: Mural Murders
2 Desember
- The Whole Truth
- The Coyotes
- Single All the Way
3 Desember
- Money Heist: Part 5 Vol 2
- Coming Out Colton
- Cobalt Blue
6 Desember
- Voir
7 Desember
- Nicole Byer: BBW (Big Beautiful Weirdo)
10 Desember
- Anonymously Yours
- Jay & Silent Bob Reboot
- Aranyak
- The Unforgivable
11 Desember
- The Hungry and the Hairy
14 Desember
- The Future Diary
- Russell Howard: Lubricant
19 Desember
- What Happened in Oslo
21 Desember
- Grumpy Christmas
- Jim Gaffigan: Comedy Monster
24 Desember
- Don’t Look Up
- The Silent Sea
25 Desember
- Single’s Inferno
- Stories of a Generation – with Pope Francis
- Jimmy Carr: His Dark Material
29 Desember
- Anxious People
- Crime Scene: The Times Square Killer
31 Desember
- Stay Close
- Cobra Kai: Season 4
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
