The Responder S1
Martin Freeman lewer uithalerspel in die vyfdelige BBC One-drama, The Responder, as Chris Carson, ’n polisiebeampte in troebel water wat net-net hard genoeg skop om nie te sink nie.
Die reeks speel in Liverpool af en is die eerste draaiboek van Tony Schumacher, self ’n voormalige Liverpool-polisiebeampte. Volgens Schumacher is die reeks fiktief, maar is wél geïnspireer deur die daaglikse uitdagings wat hy in die gesig gestaar het.
Die storie volg Carson op sy nagskofte en ons sien hoe hy telkens tot op die rand van ’n senu-ineenstorting gedruk word.
Buiten die bekroonde Freeman, sluit die rolverdeling ook vir Adelayo Adedayo, Ian Hart en MyAnna Buring in.
The Guardian is vol lof vir The Responder en skryf dat dit “so vinnig en meesleurend as ’n riller, en so aangrypend soos ’n dokumentêr” is.
The Responder het ’n punt van 100% op die resensiewebwerf Rotten Tomatoes.
Vanaf 3 Februarie op M-Net, DStv-kanaal 101 en DStv Online. Weeklikse episodes op Donderdae om 22:30.
Ragdoll S1
Die rillerreeks Ragdoll, gegrond op die gelyknamige boek deur Daniel Cole, draai om die polisieondersoek wat ná die moorde op ses mense volg.
Dié moorde is op ’n volgende vlak van grillerig – nie net is die slagoffers se liggame in stukke opgesny nie, verskillende dele daarvan is bymekaargewerk om een gruwelike lyk te skep. Vandaar dan die bynaam, Ragdoll.
Die reeks het ’n punt van 90% op die resensiewebwerf Rotten Tomatoes en word vir gril-en-ril-aanhangers aanbeveel.
Vanaf 9 Februarie op M-Net, DStv-kanaal 101 en DStv Online. Weeklikse episodes op Woensdae om 22:30.
Grey’s Anatomy S18
Met die 18de seisoen van Grey’s Anatomoy het dit amptelik een van die langdurigste dramareekse ooit geword.
En, ongelukkig, is die reeks deesdae net so eentonig as wat dit landurig is. Die storielyne is moeg geroteer en niks is meer ’n verrassing nie, wat nog te praat oor boeiend.
Dié seisoen was amper die reeks se laaste – die kykertalle is die swakste nog en dit is op die nippertjie vir ’n 19de uittog hernu.
Dis wel die moeite werd om die reeks te kyk as jy nie jou brein wil gebruik nie, jou traankliere oefening nodig het, of as jy ’n meesterklas in toneelspel, “Hoe om dieselfde karakter vir 5 miljoen jaar met oorgawe te vertolk á la Ellen Pompeo”, wil kyk.
Meredith Grey (Pompeo) en haar kollegas se polse raak egter al swakker in die TV-wêreld se ongevallesaal en ons wag eintlik maar net vir die bekroonde mediese smartsaga om sy laaste asem uit te blaas.
Vanaf 14 Februarie op M-Net, DStv-kanaal 101 en DStv Online. Weeklikse episodes op Maandae om 20:30.
MasterChef SA S4
Agt jaar ná die afloop van die derde seisoen, keer MasterChef SA uiteindelik tot die kassie terug.
Oor die loop van 20 episodes (vier episodes per week van Maandag tot Donderdag oor die loop van vyf weke) sal 20 deelnemers sake in die kombuis uitspook om R1 miljoen, asook die gesogte titel van MasterChef, in die sak te steek.
Die deelnemers sluit onder meer ’n rekenmeester, ’n tandarts, en ’n marienebioloog in en hul ouderdomme wissel van 19 tot 49 jaar oud.
Die beoordelaarspaneel bestaan uit plaaslike sjef en kosstilis Zola Nene, Grègory Czarnecki, die voormalige hoofsjef by The Restaurant by Waterkloof, en Justine Drake, redakteur van Pick n Pay se Fresh Living-tydskrif.
Vanaf 28 Februarie op M-Net, DStv-kanaal 101 en DStv Online. Maandae tot Donderdae om 18:00.
Nog hoogtepunte op DStv:
Let wel: datums, tye en vertonings kan verander. Hierdie skedule is slegs vir SA DStv-intekenare. Vir die volledige skedule en besonderhede oor reekstye en die betrokke kanale, kliek hier.
1 Februarie
- Apocalypse: Hitler Takes on The East
- Teenage Pregnancy S1
- The Graham Norton Show S29
2 Februarie
- Who Wants to Be a Millionaire with Jeremy Clarkson S2
3 Februarie
- Panorama: Wild Weather: Our World Under Threat
- 10 Years Younger in 10 Days S2
4 Februarie
- Michelle Carter: Love, Texts & Death
5 Februarie
- Close Calls: On Camera S8
- Green River Killer – Hunting for The Monster
7 Februarie
- Midsomer Murders S22
- Jersey Shore Family Vacation S5
- How I Caught The Killer S3
8 Februarie
- Beyond the Unknown S2
- Ken and Barbie Killers: The Lost Murder Tapes
- Konings van Kitskos S7
9 Februarie
- Stoofstories met Marinda S1
- Doodgewone Jo S4
- Anthony Bourdain – Parts Unknown S9
10 Februarie
- America’s Got Talent S16
11 Februarie
- The Masked Singer S6
- Slim vang sy baas S3
- Die PappaChef S1
12 Februarie
- United We Fall S1
- Late Bloomer (dieselfde dag ook op Showmax)
13 Februarie
- Wild Mountain Thyme
- The Green Planet
- Celebrity Game Night S3
- Released to Kill S1
- Ilana Glazer Presents Comedy Earth
14 Februarie
- Cold Justice S3
- Station 19 S5
15 Februarie
- Deal, Wheels & Steals S1
18 Februarie
- Kevin Hart’s Muscle Car Crew
19 Februarie
- Children of The Cult
20 Februarie
- Call the Midwife S10
- The Stand In
- The Misfits
21 Februarie
- Dogs Behaving (Very) Badly S1-3
- Ready Set Reno S2
- George Clarke’s Old House New Home S5
22 Februarie
- Horizon – Dolly: The Sheep That Changed the World
- Motor MythBusters S1
23 Februarie
- Little Dogs, Big Personalities
- Killer Britain with Dermot Murnaghan S2
- Holmes Family Rescue
- Detective Diaries
- Money Hungry
25 Februarie
- Last Week Tonight With John Oliver S9
26 Februarie
- Lupin the IIIrd: The First
- The United States vs Billie Holiday
27 Februarie
- Superintelligence
