Met die aanvang van die derde seisoen van The Witcher, is daar allerlei vyande op Geralt (Henry Cavill), Ciri (Freya Allan) en Yennefer (Anya Chalotra) se spoor. Terwyl Yennefer vir Ciri help om haar towerkragte baas te raak, probeer Geralt hierdie klein gesinnetjie van hom van toenemende bedreigings en gevaar uit alle oorde te beskerm.
Indulge maar in hierdie laaste bietjie visuele genot van Henry Cavill se perfekte… beenstruktuur. Nee, dis nie die laaste seisoen van The Witcher nie, maar dit is wel die laaste keer wat Cavill as die magiese en magtige Geralt gaan verskyn. Hy word deur Liam Hemsworth vervang.
Die reeks se tweede seisoen het groot lof ingepalm, met talle resensente wat meen dat dit ’n groot verbetering op die eerste aflewering was – veral die karakterontwikkeling en vertelling self betref. Die kritici-konsensus op die resensiewebwerf Rotten Tomatoes lui: “The Witcher se tweede seisoen brei uit op die eerste op al die beste maniere – en die belangrikste van als, dit bly ’n reuse-pret.”
Deel 1 van die derde seisoen is vanaf 29 Junie 2023 op Netflix beskikbaar. Die tweede deel van die seisoen sal na verneem word kort daarna vrygestel word.
Kry Netflix met DStv
DStv-intekenare kan met die nuwe Explora Ultra toegang tot Netflix kry. Kry dit nou →
